തിരുവനന്തപുരം: പതിനാറാം കേരള നിയമസഭയുടെ ഡെപ്യൂട്ടി സ്പീക്കറെ തിരഞ്ഞെടുക്കുന്നതിനുള്ള വോട്ടെടുപ്പ് ഇന്ന് നടക്കും. കോൺഗ്രസ് അംഗം ഷാനിമോൾ ഉസ്മാനും സി.പി.ഐ പ്രതിനിധി മുഹമ്മദ് മുഹ്സിനുമാണ് മത്സരരംഗത്തുള്ളത്. ബി.ജെ.പി സ്ഥാനാർഥിയെ നിർത്തിയിട്ടില്ല.
ഇന്ന് പുനരാരംഭിക്കുന്ന നിയമസഭയുടെ ഒന്നാം സമ്മേളനത്തിൽ ചോദ്യോത്തര വേള ഉണ്ടായിരിക്കില്ല. രാവിലെ 9 മണിക്ക് ഡെപ്യൂട്ടി സ്പീക്കർ തിരഞ്ഞെടുപ്പ് നടപടികൾ ആരംഭിക്കും. തിരഞ്ഞെടുപ്പ് പൂർത്തിയായ ശേഷം സീറോ അവർ നടക്കും.
ഇന്നത്തെ സഭാ നടപടികളിൽ സബ് മിഷനും ഉൾപ്പെടുത്തിയിട്ടില്ല. ഗവർണറുടെ നയപ്രഖ്യാപന പ്രസംഗത്തിന് നന്ദി രേഖപ്പെടുത്തുന്ന ഉപക്ഷേപം എം. വിൻസെന്റ് അവതരിപ്പിക്കും. തുടർന്ന് നന്ദിപ്രമേയത്തിന്മേലുള്ള ചർച്ച ആരംഭിക്കും.
ജൂൺ 3, 4 തീയതികളിലും നന്ദിപ്രമേയ ചർച്ച തുടരും. പുതിയ സർക്കാരിന്റെ ആദ്യ ബജറ്റ് ജൂൺ 19-ന് ധനമന്ത്രിയും മുഖ്യമന്ത്രിയുമായ വി.ഡി. സതീശൻ നിയമസഭയിൽ അവതരിപ്പിക്കും.
ഡെപ്യൂട്ടി സ്പീക്കർ തിരഞ്ഞെടുപ്പിന്റെ ഫലം പുതിയ നിയമസഭയിലെ കക്ഷിനിലപാടുകളുടെ ആദ്യ പരീക്ഷണമായും രാഷ്ട്രീയ കേന്ദ്രങ്ങൾ വിലയിരുത്തുന്നുണ്ട്.
More Read
English Summary:
The Kerala Assembly will elect its Deputy Speaker today, with Congress leader Shanimol Usman and CPI’s Muhammed Muhsin in the fray. The Assembly will also begin discussions on the motion thanking the Governor’s policy address, while the state’s first budget under the new government is scheduled for June 19.
