കണ്ണൂർ: വീട്ടുമുറ്റത്തെ കിണറ്റിൽ വീണ് ഓട്ടോ ഡ്രൈവർ മരിച്ച സംഭവം കരുവഞ്ചാലിൽ ദുഃഖമായി. കൂളാമ്പിയിലെ പുളിയൻപറമ്പിൽ രാജേഷ് (43) ആണ് മരിച്ചത്. ഇന്ന് രാവിലെയാണ് ഇദ്ദേഹത്തെ കിണറ്റിൽ മരിച്ച നിലയിൽ കണ്ടെത്തിയത്.
മഴക്കാലമായതിനാൽ കിണർ വൃത്തിയാക്കുന്നതിനുള്ള ഒരുക്കങ്ങൾ രാജേഷ് നടത്തിയിരുന്നു. ഇതിനായി തൊഴിലാളികളെ ഏർപ്പെടുത്തുകയും പുലർച്ചെ നാലുമണിയോടെ മോട്ടോർ ഉപയോഗിച്ച് കിണറ്റിലെ വെള്ളം വറ്റിക്കാൻ ആരംഭിക്കുകയും ചെയ്തിരുന്നു.
ഇതിനിടെ കിണറ്റിൽ എത്രത്തോളം വെള്ളമുണ്ടെന്ന് പരിശോധിക്കുന്നതിനായി നോക്കുന്നതിനിടെയാണ് അബദ്ധത്തിൽ കിണറ്റിലേക്ക് വീണതെന്നാണ് പ്രാഥമിക നിഗമനം. ഏറെ നേരമായിട്ടും രാജേഷിനെ കാണാതായതോടെ വീട്ടുകാർ നടത്തിയ തിരച്ചിലിലാണ് കിണറ്റിൽ മൃതദേഹം കണ്ടെത്തിയത്.
വിവരം ലഭിച്ചതിനെ തുടർന്ന് ഫയർഫോഴ്സ് സംഘം സ്ഥലത്തെത്തി മൃതദേഹം പുറത്തെടുത്തു. തുടർന്ന് മൃതദേഹം തുടർനടപടികൾക്കായി മാറ്റി.
രാജേഷിന്റെ അപ്രതീക്ഷിത വേർപാട് പ്രദേശത്ത് വലിയ ദുഃഖത്തിനിടയാക്കിയിട്ടുണ്ട്. ഭാര്യ ജീബയും രണ്ട് മക്കളുമാണ് കുടുംബാംഗങ്ങൾ.
More Read
English Summary:
A 43-year-old auto-rickshaw driver, Rajesh, was found dead in a well at his residence in Karuvanchal, Kannur. He is believed to have accidentally fallen into the well while checking the water level during cleaning preparations.
