തിരുവനന്തപുരം: കാട്ടാക്കടയിൽ പത്താം ക്ലാസ് വിദ്യാർത്ഥിയെ വീട്ടിൽ മരിച്ച നിലയിൽ കണ്ടെത്തി. കാട്ടാക്കട പി.ആർ. വില്യംസ് സ്കൂളിലെ വിദ്യാർത്ഥിയും കുറ്റിച്ചൽ അരികിൽ സ്വദേശിയുമായ വൈകാശാണ് മരിച്ചത്.
കുടുംബാംഗങ്ങൾ നൽകിയ വിവരമനുസരിച്ച്, സ്കൂൾ വിട്ട് വീട്ടിലെത്തിയ വിദ്യാർത്ഥിയും മാതാപിതാക്കളും തമ്മിൽ മൊബൈൽ ഫോൺ ഉപയോഗത്തെച്ചൊല്ലി തർക്കമുണ്ടായിരുന്നു. തുടർന്ന് രാത്രി കുട്ടിയെ മുറിക്കുള്ളിൽ കാണാതായതിനെ തുടർന്ന് മാതാപിതാക്കൾ അന്വേഷിച്ചപ്പോഴാണ് അസ്വാഭാവിക സാഹചര്യത്തിൽ കണ്ടെത്തിയത്.
ഉടൻ തന്നെ ആശുപത്രിയിലെത്തിച്ചെങ്കിലും ജീവൻ രക്ഷിക്കാനായില്ല. മൃതദേഹം പോസ്റ്റ്മോർട്ടം നടപടികൾക്കായി സൂക്ഷിച്ചിരിക്കുകയാണ്. സംഭവത്തിൽ പൊലീസ് അന്വേഷണം ആരംഭിച്ചിട്ടുണ്ട്.
അധ്യാപകർ പഠനകാര്യങ്ങളിൽ കൂടുതൽ ശ്രദ്ധ നൽകേണ്ടതുണ്ടെന്ന് രക്ഷിതാക്കളെ അറിയിച്ചിരുന്നുവെന്നാണ് റിപ്പോർട്ട്. ഇതിന്റെ പശ്ചാത്തലത്തിൽ മൊബൈൽ ഫോൺ ഉപയോഗം നിയന്ത്രിക്കുന്ന കാര്യത്തിൽ കുടുംബത്തിൽ അഭിപ്രായവ്യത്യാസമുണ്ടായിരുന്നതായും വിവരം ലഭിച്ചിട്ടുണ്ട്.
സംഭവത്തിന്റെ എല്ലാ സാഹചര്യങ്ങളും പൊലീസ് പരിശോധിച്ചുവരികയാണ്.
More Read
നിങ്ങളോ നിങ്ങൾക്കറിയാവുന്ന ആരെങ്കിലുമോ മാനസിക ബുദ്ധിമുട്ടുകളോ ആത്മഹത്യാ ചിന്തകളോ നേരിടുന്നുണ്ടെങ്കിൽ, ഉടൻ സഹായം തേടുക. DISHA ഹെൽപ്ലൈൻ: 1056, 0471-2552056 (24×7).
English Summary
A Class 10 student was found dead at his residence in Kattakkada, Thiruvananthapuram. According to reports, there had been a disagreement within the family regarding mobile phone usage. The student was rushed to a hospital but could not be saved. Police have launched an investigation into the incident.
