മമിത ബൈജുവിനെ പ്രശംസിച്ച് നടി മേഘന രാജ്. സൂര്യയും മമിത ബൈജുവും പ്രധാന വേഷത്തിലെത്തിയ ‘വിശ്വനാഥ് ആൻഡ് സൺസ്’ സിനിമ കണ്ടെന്നും ചിത്രത്തിലെ മമിതയുടെ പ്രകടനം ഏറെ ഇഷ്ടപ്പെട്ടെന്നും മേഘന പറഞ്ഞു. സിനിമ എക്സ്സ് എന്ന യുട്യൂബ് ചാനലിന് നൽകിയ അഭിമുഖത്തിലാണ് മേഘന മമിതയെക്കുറിച്ച് സംസാരിച്ചത്.
ചിത്രത്തിലെ മമിതയുടെ കഥാപാത്രം ഏറെ ഇഷ്ടപ്പെട്ടതായി മേഘന പറഞ്ഞു. കഥാപാത്രം തനിക്ക് വളരെ റിഫ്രഷിങ്ങായി തോന്നിയെന്നും മമിത അതിന് മികച്ച എനർജി നൽകിയെന്നും താരം വ്യക്തമാക്കി.
‘മമിത മികച്ചതാക്കി മാറ്റി’
“മമിത ആ കഥാപാത്രത്തിന് വല്ലാത്ത എനർജി നൽകി. എനിക്ക് ഒരിക്കലും ആ കഥാപാത്രം ചെയ്യാൻ കഴിഞ്ഞെന്നു വരില്ല. മമിത ആ കഥാപാത്രത്തിനെ മികച്ചതാക്കി മാറ്റി,” മേഘന പറഞ്ഞു.
അടുത്തിടെ കണ്ടതിൽ ഏറെ ഇഷ്ടപ്പെട്ട സ്ത്രീ കഥാപാത്രങ്ങളിലൊന്നാണ് ഇതെന്നും മേഘന കൂട്ടിച്ചേർത്തു. സിനിമയിൽ ഒരുപാട് ഫ്രെയിം വർക്കില്ലെങ്കിലും മമിതയുടെ കഥാപാത്രം തനിക്ക് ഇഷ്ടമായെന്നും താരം പറഞ്ഞു.
കേരളത്തോടുള്ള അടുപ്പം
കേരളവുമായുള്ള വൈകാരിക അടുപ്പത്തെക്കുറിച്ചും മേഘന അഭിമുഖത്തിൽ സംസാരിച്ചു. കേരളമാണോ ബെംഗളൂരുവാണോ തന്റെ ആദ്യത്തെ വീടെന്ന് സംശയം തോന്നാറുണ്ടെന്നും അത്രയേറെ അടുപ്പം കേരളത്തോടുണ്ടെന്നും മേഘന പറഞ്ഞു.
More Read
സിനിമയിലൂടെ ഒരു പേര് ലഭിച്ചത് കേരളത്തിൽനിന്നാണെന്നും മലയാള സിനിമാമേഖലയിൽനിന്ന് സ്നേഹവും പിന്തുണയും ലഭിച്ചിട്ടുണ്ടെന്നും താരം വ്യക്തമാക്കി.
മലയാളവും കേരളവും ഇഷ്ടം
മലയാളം സംസാരിക്കാൻ വളരെ ബുദ്ധിമുട്ടാണെന്ന് പലരും പറയാറുണ്ടെങ്കിലും തനിക്ക് അങ്ങനെ തോന്നിയിട്ടില്ലെന്നും മേഘന പറഞ്ഞു. കേരളത്തിലെ ആളുകളെയും ഇവിടുത്തെ ഭക്ഷണത്തെയും ഒരുപാട് ഇഷ്ടമാണെന്നും താരം കൂട്ടിച്ചേർത്തു.
English Summary : Actress Meghana Raj praised Mamitha Baiju’s performance in Viswanath and Sons. She said she particularly liked Mamitha’s character and appreciated the energy she brought to the role. Meghana also spoke about her emotional connection with Kerala and the love and support she has received from the Malayalam film industry.
