ബിഗ് ടിക്കറ്റിൽ ഭാഗ്യനേട്ടം; മലയാളിയടക്കം അഞ്ച് പ്രവാസികൾക്ക് 1 ലക്ഷം ദിർഹം

അബുദാബി: ഒറ്റ ടിക്കറ്റിൽ ഭാഗ്യം പരീക്ഷിച്ച പ്രവാസികൾക്ക് ബിഗ് ടിക്കറ്റ് നറുക്കെടുപ്പിൽ വൻ നേട്ടം.

സീരീസ് 290 നറുക്കെടുപ്പിൽ മലയാളിയടക്കം അഞ്ച് പ്രവാസികൾക്ക് ഒരു ലക്ഷം ദിർഹം വീതം സമ്മാനം ലഭിച്ചു.

ഏകദേശം 25 ലക്ഷത്തിലേറെ ഇന്ത്യൻ രൂപയാണ് ഓരോ വിജയിക്കും ലഭിക്കുക. ഇന്ത്യ, ബംഗ്ലാദേശ് എന്നിവിടങ്ങളിൽ നിന്നുള്ളവരാണ് സമ്മാനം പങ്കിട്ടത്.

ബിഗ് ടിക്കറ്റ്; മലയാളിക്കും ഒരു ലക്ഷം ദിർഹം

മലയാളിയായ മുല്ലപ്പുള്ളി പ്രവീൺ ബാബുവാണ് വിജയികളിൽ ഒരാൾ. 303871 ആണ് അദ്ദേഹത്തിന്റെ ടിക്കറ്റ് നമ്പർ.

ഇന്ത്യക്കാരായ ഷിബ്‌ലിൻ സർഫ്രാസ്, പഞ്ചാബ് സ്വദേശി സുരേഷ് കുമാർ, ഗുജറാത്ത് സ്വദേശി സന്ദീപ് കുമാർ എന്നിവരും ഒരു ലക്ഷം ദിർഹം വീതം സമ്മാനം നേടി.

19 വർഷമായി റാസൽഖൈമയിൽ താമസിക്കുന്ന 39കാരനായ സുരേഷ് കുമാർ ഓപ്പറേഷൻസ് മാനേജ്‌മെന്റ് മേഖലയിലാണ് ജോലി ചെയ്യുന്നത്. 2019 മുതൽ ബിഗ് ടിക്കറ്റിൽ ഭാഗ്യം പരീക്ഷിക്കുന്ന സുരേഷ് ചിലപ്പോൾ സുഹൃത്തുക്കൾക്കൊപ്പവും ചിലപ്പോൾ ഒറ്റയ്ക്കുമാണ് ടിക്കറ്റ് എടുത്തിരുന്നത്.

ഒറ്റയ്ക്ക് എടുത്ത ടിക്കറ്റിൽ സുരേഷിന് ഭാഗ്യം

ഇത്തവണ ഒറ്റയ്ക്ക് എടുത്ത ടിക്കറ്റിലൂടെയാണ് സുരേഷിനെ സമ്മാനഭാഗ്യം തേടിയെത്തിയത്. സമ്മാനം നേടിയ വിവരം അറിയിച്ചുള്ള ഫോൺ കോൾ ലഭിച്ചപ്പോൾ വലിയ സന്തോഷം തോന്നിയെന്ന് അദ്ദേഹം പറഞ്ഞു.

വർഷങ്ങളായി ബിഗ് ടിക്കറ്റിൽ പങ്കെടുക്കുന്നുണ്ടെങ്കിലും ആദ്യമായാണ് സമ്മാനം ലഭിക്കുന്നത്. ഒറ്റയ്ക്ക് വാങ്ങിയ ടിക്കറ്റിലൂടെയാണ് ഇത്തവണ ഭാഗ്യം ലഭിച്ചതെന്നത് സന്തോഷം ഇരട്ടിയാക്കിയെന്നും സുരേഷ് വ്യക്തമാക്കി.

സമ്മാനത്തുക എങ്ങനെ വിനിയോഗിക്കണമെന്ന കാര്യത്തിൽ ഇതുവരെ തീരുമാനിച്ചിട്ടില്ലെന്നും കുറച്ചുകൂടി സമയം എടുത്തശേഷം തീരുമാനിക്കുമെന്നും അദ്ദേഹം പറഞ്ഞു.

ബിഗ് ടിക്കറ്റിൽ സന്ദീപിനും റഫീഖുൽ ഇസ്‌ലാമിനും നേട്ടം

13 വർഷമായി ഗൾഫിൽ ജോലി ചെയ്യുന്ന ഗുജറാത്ത് സ്വദേശിയായ 43കാരൻ സന്ദീപ് കുമാറിനും ഒരു ലക്ഷം ദിർഹം സമ്മാനം ലഭിച്ചു.

സാധാരണയായി സുഹൃത്തുക്കൾക്കൊപ്പമാണ് ടിക്കറ്റ് എടുക്കാറുള്ളതെങ്കിലും ഇത്തവണ ആദ്യമായി ഒറ്റയ്ക്ക് ടിക്കറ്റ് എടുത്തപ്പോഴാണ് സമ്മാനം ലഭിച്ചത്.

ദുബായിൽ 17 വർഷമായി താമസിക്കുന്ന 53കാരനായ ബംഗ്ലാദേശ് സ്വദേശി മുഹമ്മദ് റഫീഖുൽ ഇസ്‌ലാം അഹമ്മദ് മീ താ ലൂക്ദാറും ഒരു ലക്ഷം ദിർഹം സ്വന്തമാക്കി. സുഹൃത്തുക്കളുടെ സംഘത്തോടൊപ്പമാണ് അദ്ദേഹം ടിക്കറ്റ് എടുത്തത്.

ഒക്ടോബർ 3ന് രണ്ട് കോടി ദിർഹം ഗ്രാൻഡ് പ്രൈസ്

അതേസമയം, സെപ്റ്റംബർ മാസത്തിൽ ബിഗ് ടിക്കറ്റ് വൻ സമ്മാനങ്ങളാണ് ഒരുക്കിയിരിക്കുന്നത്. ഒക്ടോബർ 3ന് നടക്കുന്ന നറുക്കെടുപ്പിൽ രണ്ട് കോടി ദിർഹം (20 മില്യൺ ദിർഹം) ഗ്രാൻഡ് പ്രൈസാണ് വിജയിയെ കാത്തിരിക്കുന്നത്.

അഞ്ച് പേർക്കായി ആകെ 19.5 ലക്ഷം ദിർഹത്തിന്റെ ആശ്വാസ സമ്മാനങ്ങളുമുണ്ട്. ഒന്നാം സമ്മാനം 10 ലക്ഷം ദിർഹവും രണ്ടാം സമ്മാനം അഞ്ച് ലക്ഷം ദിർഹവും മൂന്നാം സമ്മാനം 2.5 ലക്ഷം ദിർഹവുമാണ്.

മറ്റ് രണ്ട് വിജയികൾക്ക് ഒരു ലക്ഷം ദിർഹം വീതവും ലഭിക്കും. കൂടാതെ പ്രതിവാര ഇ-ഡ്രോയിലൂടെ നാല് പേർക്ക് 25,000 ദിർഹം വീതം നേടാനും അവസരമുണ്ട്.

ബിഗ് സ്പിൻ മത്സരത്തിലും വൻ സമ്മാനങ്ങൾ

ബിഗ് സ്പിൻ മത്സരത്തിലൂടെ മൂന്ന് പേർക്ക് 10 ലക്ഷം ദിർഹം വരെ നേടാം. കൂടാതെ ഒക്ടോബർ 3ലെ ഡ്രോയിൽ നിസാൻ പെട്രോൾ കാറും നവംബർ 3ന് റേഞ്ച് റോവർ വേലാറും സമ്മാനമായി നൽകും.

ബിഗ് ടിക്കറ്റിന്റെ ഔദ്യോഗിക വെബ്‌സൈറ്റിലൂടെയും അബുദാബി, അൽ ഐൻ എന്നിവിടങ്ങളിലെ കൗണ്ടറുകളിലൂടെയും ടിക്കറ്റുകൾ ലഭിക്കും.

English Summary

Five expatriates, including a Malayali, won AED 100,000 each in Big Ticket Series 290. The winners are from India and Bangladesh. The upcoming October 3 draw offers a grand prize of AED 20 million, along with several other cash and car prizes.