ന്യൂഡൽഹി: പ്രമുഖ റം വിസ്കി ബ്രാൻഡുകൾക്ക് വിലക്ക് ഏർപ്പെടുത്തി കേന്ദ്ര ആരോഗ്യ കുടുംബക്ഷേമ മന്ത്രാലയം. ലാബ് പരിശോധനകളിൽ നിശ്ചിത നിലവാരം പാലിച്ചില്ലെന്ന കണ്ടെത്തലിനെ തുടർന്നാണ് മഹാരാഷ്ട്രയിലെയും മധ്യപ്രദേശിലെയും ചില യൂണിറ്റുകളിൽ നിർമിച്ച റം, വിസ്കി ഉൽപ്പന്നങ്ങളുടെ വിൽപ്പനയ്ക്ക് നിയന്ത്രണം ഏർപ്പെടുത്തിയത്.
ഇതോടെ രാജ്യത്ത് വ്യാപകമായി ഉപയോഗിക്കുന്ന നിരവധി ജനപ്രിയ മദ്യ ബ്രാൻഡുകൾ വിപണിയിൽ നിന്ന് പിൻവലിക്കപ്പെട്ടു.
റം വിസ്കി ബ്രാൻഡുകൾക്ക് വിലക്ക്: ബാധിച്ച കമ്പനികൾ
കേന്ദ്ര നടപടിയിൽ ഉൾപ്പെട്ടത് മഹാരാഷ്ട്രയിലെ മോഹൻ റോക്കി സ്പ്രിങ് വാട്ടറിന്റെ ഖോപോലി യൂണിറ്റും യുണൈറ്റഡ് സ്പിരിറ്റ്സിന്റെ ബരാമതി യൂണിറ്റും, മധ്യപ്രദേശിലെ ഇൻബ്രൂ ബെവറേജസ്, അസോസിയേറ്റഡ് ആൽക്കഹോൾ ആൻഡ് ബ്രൂവറീസ്, യുണൈറ്റഡ് സ്പിരിറ്റ്സ് എന്നിവ നിർമിച്ച ഉൽപ്പന്നങ്ങളുമാണ്.
അതേസമയം, ലാബ് പരിശോധനാ ഫലങ്ങളുടെ അടിസ്ഥാനത്തിലാണ് നടപടി സ്വീകരിച്ചതെന്ന് മന്ത്രാലയം വ്യക്തമാക്കി.
വിപണിയിൽ നിന്ന് പിൻവലിച്ച ജനപ്രിയ ബ്രാൻഡുകൾ
നിരോധനത്തെ തുടർന്ന് താഴെപ്പറയുന്ന ബ്രാൻഡുകൾ ഉൾപ്പെടെയുള്ള നിരവധി ഉൽപ്പന്നങ്ങൾ വിപണിയിൽ നിന്ന് പിൻവലിച്ചു.
More Read
- ഓൾഡ് മോങ്ക് ദി ലെജൻഡ്
- ഓൾഡ് മോങ്ക് ഗോൾഡ് റിസർവ്
- ഓൾഡ് മോങ്ക് ട്രിപ്പിൾ എക്സ് മെച്യൂർഡ് റം
- മെക്ഡൊവൽസ് നമ്പർ വൺ റം
- ബാഗ്പൈപ്പർ ഡീലക്സ് വിസ്കി
- ഓൾഡ് കാസ്ക് ഡീലക്സ് ട്രിപ്പിൾ എക്സ് റം
- സെൻട്രൽ പ്രൊവിൻസ് വിസ്കി
- മെക്ഡൊവൽസ് നമ്പർ വൺ സെലിബ്രേഷൻ മെച്യൂർഡ് ട്രിപ്പിൾ എക്സ് റം
- ആന്റിക്വിറ്റി ബ്ലൂ വിസ്കി
- റോയൽ ചാലഞ്ച് വിസ്കി
കേന്ദ്രം പറഞ്ഞ കാരണം
കേന്ദ്ര ആരോഗ്യ കുടുംബക്ഷേമ മന്ത്രാലയത്തിന്റെ വാർത്താക്കുറിപ്പ് പ്രകാരം, ചില ഉൽപ്പന്നങ്ങളിൽ കൃത്രിമ ഫ്ലേവർ ചേർത്ത് ഉപഭോക്താക്കളെ തെറ്റിദ്ധരിപ്പിച്ചതായി കണ്ടെത്തി.
കൂടാതെ, നിർമാതാക്കളുടെ അപ്പീലിനെ തുടർന്ന് ഉൽപ്പന്നത്തിന്റെ വിവരങ്ങൾ ലേബലിന്റെ മുൻവശത്ത് വ്യക്തമായി രേഖപ്പെടുത്തണമെന്ന വ്യവസ്ഥയോടെ നിലവിലുള്ള സ്റ്റോക്ക് വിൽക്കാൻ അനുമതി നൽകിയതായും റിപ്പോർട്ടുകളുണ്ട്.
നടപടിയെ ചൊല്ലി വിവാദവും
അതേസമയം, കേന്ദ്രമന്ത്രിസഭയിലെ ഒരു പ്രമുഖന്റെ മകന്റെ മദ്യനിർമാണ കമ്പനിക്ക് അനുകൂലമായാണ് പ്രമുഖ ബ്രാൻഡുകൾക്കെതിരെ നടപടി സ്വീകരിച്ചതെന്ന ആരോപണവും ഉയർന്നിട്ടുണ്ട്.
More Read
എന്നാൽ, ഈ ആരോപണത്തിൽ കേന്ദ്ര സർക്കാരിന്റെ ഔദ്യോഗിക പ്രതികരണം ഇതുവരെ പുറത്തുവന്നിട്ടില്ല.
