കൊച്ചി ∙ കാൻസർ ബാധയെ തുടർന്ന് ചികിത്സയിലായിരിക്കുന്ന സോഷ്യൽ മീഡിയ താരം രേണു സുധി, തന്റെ പേരിൽ നടക്കുന്ന അനധികൃത പണപ്പിരിവിനെതിരെ രംഗത്തെത്തി. തന്റെ അറിവോ സമ്മതമോ ഇല്ലാതെയാണ് ചിലർ പണം സമാഹരിക്കുന്നതെന്ന് രേണു വ്യക്തമാക്കി.
അടുത്തിടെയാണ് തനിക്ക് മൂന്നാംഘട്ട കാൻസറാണെന്നും കീമോ തെറാപ്പി ആരംഭിച്ചെന്നും രേണു സമൂഹമാധ്യമങ്ങളിലൂടെ അറിയിച്ചത്. പിന്നാലെ നിരവധി പേരാണ് ആശ്വാസവാക്കുകളും സഹായങ്ങളും വാഗ്ദാനം ചെയ്ത് സമീപിക്കുന്നതെന്ന് അവർ പറഞ്ഞു.
എന്നാൽ തന്റെ ചികിത്സയ്ക്കായി പിരിവ് നടത്താൻ ആരെയും ചുമതലപ്പെടുത്തിയിട്ടില്ലെന്നും അത്തരത്തിലുള്ള പ്രവർത്തനങ്ങളുമായി തനിക്ക് യാതൊരു ബന്ധവുമില്ലെന്നും യൂട്യൂബ് ചാനലിലൂടെ പങ്കുവച്ച വീഡിയോയിൽ രേണു വ്യക്തമാക്കി.
‘‘ചികിത്സയ്ക്ക് വലിയ ചെലവാണ്. അതുകൊണ്ടാണ് യൂട്യൂബ് ചാനലും സബ്സ്ക്രിപ്ഷനും മുന്നോട്ടുകൊണ്ടുപോകുന്നത്. ഇപ്പോൾ ജോലി ചെയ്യാൻ കഴിയാത്തതിനാൽ ചാനലിലൂടെ ലഭിക്കുന്ന വരുമാനമാണ് ആശ്രയം. എന്നാൽ എന്റെ പേരിൽ എവിടെയും പണപ്പിരിവ് നടത്താൻ ഞാൻ പറഞ്ഞിട്ടില്ല. ആരെങ്കിലും അങ്ങനെ ചെയ്യുകയാണെങ്കിൽ അത് എന്റെ അറിവോടെയോ സമ്മതത്തോടെയോ അല്ല’’– രേണു പറഞ്ഞു.
തന്നെ കാണാനെത്തുന്നവരിൽ പലരും മരുന്നിനായി സഹായധനം കൈമാറാറുണ്ടെന്നും, ലഭിക്കുന്ന സ്നേഹവും പിന്തുണയും വലിയ ആശ്വാസമാണെന്നും രേണു കൂട്ടിച്ചേർത്തു.:
More Read
English Summary:
Social media personality Renu Sudhi, who is undergoing treatment for stage-three cancer, has clarified that she has not authorized anyone to collect money in her name. In a video shared on her YouTube channel, she said some people were raising funds without her knowledge or consent and urged people not to believe such efforts. Renu added that she currently relies on her YouTube channel and subscriptions to support her treatment expenses.
