കൊല്ലം: കൊല്ലത്തെ ഒരു എയ്ഡഡ് സ്കൂളിൽ വെള്ള വസ്ത്രവും തലപ്പാവും ധരിച്ച മുസ്ലീം വിദ്യാർത്ഥികൾക്ക് പ്രവേശനം നിഷേധിച്ചതായി പരാതി. ശാസ്താംകോട്ടയിലെ ഡോ. സി.ടി. ഈപ്പൻ മെമ്മോറിയൽ ആർ.എച്ച്.എസ് സ്കൂളിലെ പ്രധാനാധ്യാപികയ്ക്കെതിരെയാണ് ആരോപണം ഉയർന്നിരിക്കുന്നത്.
ചക്കുവള്ളിയിലെ ദർസിൽ നിന്ന് ഉൾപ്പെടെ എത്തിയ ഏകദേശം 30 വിദ്യാർത്ഥികൾക്ക് അഡ്മിഷൻ തേടി സ്കൂളിലെത്തിയപ്പോഴാണ് പ്രശ്നമുണ്ടായതെന്നാണ് പി.ടി.എ ഭാരവാഹികൾ പറയുന്നത്. വെള്ള വസ്ത്രവും തലപ്പാവും ധരിച്ച വിദ്യാർത്ഥികൾക്ക് പ്രവേശനം നൽകാനാകില്ലെന്ന് പ്രധാനാധ്യാപിക അറിയിച്ചതായും അവർ ആരോപിക്കുന്നു.
സംഭവത്തിൽ സ്കൂൾ മാനേജ്മെന്റിനും ജില്ലാ വിദ്യാഭ്യാസ ഓഫീസർക്കും പരാതി നൽകിയെങ്കിലും ഇതുവരെ നടപടി ഉണ്ടായിട്ടില്ലെന്നും പരാതിക്കാർ പറയുന്നു.
അതേസമയം, വിഷയത്തിൽ ഔദ്യോഗിക പരാതി ലഭിച്ചാൽ ശക്തമായ നടപടി സ്വീകരിക്കുമെന്ന് വിദ്യാഭ്യാസ മന്ത്രി എൻ. ഷംസുദ്ദീൻ വ്യക്തമാക്കി. പരാതിയുടെ അടിസ്ഥാനത്തിൽ വിദ്യാഭ്യാസ വകുപ്പ് അന്വേഷണം നടത്തുമെന്നാണ് സൂചന.
English Summary
More Read
A complaint has been raised against the headmistress of Dr. C.T. Eapen Memorial RHS School in Sasthamkotta, Kollam, alleging that Muslim students wearing white traditional attire and caps were denied admission. Around 30 students, including those from a local Dars institution, reportedly faced rejection. PTA representatives claim complaints were submitted to the school management and the DEO, but no action has been taken so far. Education Minister N. Shamsudheen stated that strict action would be taken if an official complaint is received.
