പാലക്കാട്: പുതുക്കോട് പ്രാഥമികാരോഗ്യ കേന്ദ്രത്തിൽ കുഞ്ഞുങ്ങൾക്ക് കാലാവധി കഴിഞ്ഞ മരുന്ന് നൽകിയതായി പരാതി.
വാക്സിനെടുക്കാനെത്തിയ ഒരു വയസ്സിൽ താഴെയുള്ള കുട്ടികൾക്കാണ് കാലാവധി കഴിഞ്ഞ പാരസെറ്റമോൾ സിറപ്പ് വിതരണം ചെയ്തതെന്നാണ് രക്ഷിതാക്കളുടെ ആരോപണം.
പരാതി ഉയർന്നതോടെ മരുന്ന് മാറ്റി നൽകിയതായും രക്ഷിതാക്കൾ പറയുന്നു.
കാലാവധി കഴിഞ്ഞ മരുന്ന് വിതരണം ചെയ്തതായി ആരോപണം
വാക്സിനേഷൻ കഴിഞ്ഞാൽ പനി വരാനുള്ള സാധ്യത കണക്കിലെടുത്താണ് കുഞ്ഞുങ്ങൾക്ക് പാരസെറ്റമോൾ സിറപ്പ് നൽകിയത്.
More Read
എന്നാൽ വിതരണം ചെയ്ത സിറപ്പിന്റെ കാലാവധി ഒക്ടോബർ മാസത്തിൽ അവസാനിച്ചിരുന്നുവെന്നാണ് പരാതി.
കാലാവധി കഴിഞ്ഞ് ഒരു മാസം പിന്നിട്ട സിറപ്പാണ് കുഞ്ഞുങ്ങൾക്ക് നൽകിയതെന്ന് രക്ഷിതാക്കൾ ആരോപിച്ചു. പരാതി അറിയിച്ചതിനെ തുടർന്ന് മരുന്ന് മാറ്റി നൽകിയതായും അവർ വ്യക്തമാക്കി.
ഏഴോളം പേർക്ക് മരുന്ന് മാറ്റി നൽകിയെന്ന് കണ്ടെത്തൽ
More Read
സമാനമായ രീതിയിൽ ഏഴോളം പേർക്ക് കാലാവധി കഴിഞ്ഞ മരുന്ന് നൽകിയതായും പിന്നീട് അത് തിരികെ വാങ്ങി മാറ്റി നൽകിയതായും കണ്ടെത്തിയിട്ടുണ്ട്.
അതേസമയം, മരുന്ന് ഉപയോഗിച്ചാൽ കുഞ്ഞുങ്ങൾക്ക് എന്തെങ്കിലും ആരോഗ്യപ്രശ്നങ്ങളുണ്ടാകുമോ എന്ന ആശങ്കയിലാണ് രക്ഷിതാക്കൾ. കുട്ടികൾക്ക് ഉണ്ടായേക്കാവുന്ന ആരോഗ്യപ്രശ്നങ്ങൾക്ക് ആരാണ് ഉത്തരവാദിത്തം വഹിക്കുകയെന്നും അവർ ചോദിക്കുന്നു.
ആരോഗ്യവകുപ്പിന്റെ ഇടപെടൽ ആവശ്യപ്പെട്ട് രക്ഷിതാക്കൾ
കുഞ്ഞുങ്ങൾക്ക് നൽകുന്ന മരുന്നുകളുടെ കാലാവധി ഉറപ്പാക്കുന്നതിൽ വീഴ്ചയുണ്ടായെന്നാണ് രക്ഷിതാക്കളുടെ പരാതി. സംഭവത്തിൽ വ്യക്തമായ അന്വേഷണം നടത്തി ഉത്തരവാദിത്തം ഉറപ്പാക്കണമെന്നാണ് അവരുടെ ആവശ്യം
