തിരുവനന്തപുരം: സംസ്ഥാനത്ത് പാൽവില വർധിപ്പിക്കണമെന്ന ആവശ്യവുമായി മിൽമ തിരുവനന്തപുരം മേഖല യൂണിയൻ. വില വർധന ആവശ്യപ്പെടാൻ ഇന്ന് ചേർന്ന ഡയറക്ടർ ബോർഡ് യോഗത്തിൽ തീരുമാനിച്ചു. തീരുമാനം ഫെഡറേഷനെ അറിയിച്ചശേഷം അടുത്ത ദിവസങ്ങളിൽ സർക്കാരിന് ഔദ്യോഗികമായി കത്ത് നൽകും.
പാൽവില വർധന അനിവാര്യമെന്ന് മിൽമ
ക്ഷീരകർഷകർ കടുത്ത സാമ്പത്തിക പ്രതിസന്ധി നേരിടുകയാണെന്നും നിലവിലെ സാഹചര്യത്തിൽ പാൽവില വർധിപ്പിക്കാതെ മുന്നോട്ടുപോകാൻ കഴിയില്ലെന്നും മിൽമ തിരുവനന്തപുരം മേഖല യൂണിയൻ ചെയർപേഴ്‌സൺ മണി വിശ്വനാഥ് പറഞ്ഞു.
കർഷകരുടെ സാമ്പത്തിക പ്രതിസന്ധിക്ക് പരിഹാരം കാണുന്നതിന് വില വർധന അനിവാര്യമാണെന്നാണ് യൂണിയന്റെ നിലപാട്. ഇക്കാര്യം ഫെഡറേഷന്റെയും സർക്കാരിന്റെയും ശ്രദ്ധയിൽപ്പെടുത്തും.
കാലിത്തീറ്റയ്ക്ക് 100 രൂപ സബ്‌സിഡി
More Read
അതേസമയം, ക്ഷീരകർഷകർക്ക് ആശ്വാസം നൽകുന്നതിനായി ഡിസംബർ ഒന്നു മുതൽ കാലിത്തീറ്റയ്ക്ക് 100 രൂപ സബ്‌സിഡി നൽകാനും ഡയറക്ടർ ബോർഡ് തീരുമാനിച്ചിട്ടുണ്ട്.
സർക്കാർ തീരുമാനത്തിന് കാത്ത് ക്ഷീരമേഖല
പാൽവില വർധനയുമായി ബന്ധപ്പെട്ട തുടർനടപടികൾ ഫെഡറേഷന്റെയും സർക്കാരിന്റെയും തീരുമാനത്തിന് അനുസരിച്ചായിരിക്കും. സർക്കാരിന് കത്ത് നൽകിയശേഷം ലഭിക്കുന്ന പ്രതികരണത്തിന്റെ അടിസ്ഥാനത്തിലാകും അടുത്ത നീക്കങ്ങൾ.
More Read
English Summary:
The Milma Thiruvananthapuram Regional Union has decided to seek a hike in milk prices, citing the financial difficulties faced by dairy farmers. The decision was taken at its board meeting, and an official request will be sent to the government after informing the federation. The union has also decided to provide a ₹100 subsidy on cattle feed from December 1.
