കൊല്ലം: രോഗബാധിതയായ മുത്തശ്ശിയുടെ അസുഖം പ്രാർഥനയിലൂടെ ഭേദമാക്കാമെന്ന് വിശ്വസിപ്പിച്ച് 16കാരിയെ വിവിധ സ്ഥലങ്ങളിലെത്തിച്ച് പീഡിപ്പിച്ചെന്ന കേസിൽ ഉസ്താദ് അറസ്റ്റിൽ. കൊച്ചയത്ത് പടിയിറ്റതിൽ മുഹമ്മദ് നിയാസ് ജൗഹറി (34)യെയാണ് ഓച്ചിറ പൊലീസ് പിടികൂടിയത്. ഒരു വർഷത്തോളം നിരന്തരം പീഡനത്തിനും ഗുരുതരമായ ലൈംഗികാതിക്രമങ്ങൾക്കും ഇരയാക്കിയെന്നാണ് പെൺകുട്ടിയുടെ പരാതി.
മുത്തശ്ശിയുടെ അസുഖം ഭേദമാക്കാമെന്ന് വിശ്വസിപ്പിച്ചെന്ന് പരാതി
പെൺകുട്ടിയുടെ പിതാവിന്റെ അമ്മ രോഗബാധിതയായിരുന്നു. ഇവരുടെ അസുഖം പ്രാർഥനയിലൂടെ ഭേദമാക്കാൻ കഴിയുമെന്ന് വിശ്വസിപ്പിച്ചാണ് പ്രതി പെൺകുട്ടിയെ വിവിധ സ്ഥലങ്ങളിലേക്ക് കൊണ്ടുപോയതെന്നാണ് പരാതിയിൽ പറയുന്നത്.
ഈ സാഹചര്യത്തിലാണ് പെൺകുട്ടി പീഡനത്തിന് ഇരയായതെന്നാണ് മൊഴി. സംഭവത്തിൽ പൊലീസ് അന്വേഷണം തുടരുകയാണ്.
വ്ലോഗറും മതപ്രഭാഷകനുമാണ് പ്രതി
വ്ലോഗറും മതപ്രഭാഷകനുമായ മുഹമ്മദ് നിയാസ് ജൗഹറി സമൂഹമാധ്യമങ്ങളിലൂടെ മതപ്രഭാഷണ വീഡിയോകൾ പങ്കുവയ്ക്കാറുണ്ട്. ഇയാൾക്കെതിരായ പരാതിയുടെ അടിസ്ഥാനത്തിലാണ് ഓച്ചിറ പൊലീസ് നടപടി സ്വീകരിച്ചത്.
അതേസമയം, കേസുമായി ബന്ധപ്പെട്ട് കൂടുതൽ അന്വേഷണം നടത്തിവരികയാണെന്ന് ഓച്ചിറ പൊലീസ് അറിയിച്ചു.
English summary:
More Read
A 34-year-old religious preacher, Muhammad Niyas Jauhari, was arrested by Ochira police in Kollam over allegations of sexually abusing a 16-year-old girl. According to the complaint, the accused allegedly convinced the girl that he could cure her ailing paternal grandmother through prayers and took her to various locations. The girl alleged that she was subjected to repeated abuse and serious sexual assaults over nearly a year. Police said further investigation is underway.
