കാഠ്മണ്ഡു: ആഗസ്റ്റ് 26ന് ഉണ്ടായ നേപ്പാൾ പ്രളയത്തിൽ മരിച്ചവരുടെ എണ്ണം 1200 കടന്നതായി റിപ്പോർട്ട്. അതേസമയം, 4000ലേറെ പേരെ ഇനിയും കണ്ടെത്താനുണ്ടെന്നാണ് വിവരം. കാഠ്മണ്ഡുവിലെ പ്രധാന ആശുപത്രിയായ ത്രിഭുവൻ ആശുപത്രിയിൽ മാത്രം 165 മൃതദേഹങ്ങൾ തിരിച്ചറിയാനാകാത്ത നിലയിലാണ്.
മൃതശരീരങ്ങളിൽനിന്ന് വിരലടയാളമോ മറ്റ് തിരിച്ചറിയൽ രേഖകളോ കണ്ടെത്തുന്നതിൽ ബുദ്ധിമുട്ടുണ്ടെന്ന് ഡോക്ടർമാർ വ്യക്തമാക്കി. ഇതോടെ മരിച്ചവരെ തിരിച്ചറിയാനുള്ള നടപടികൾ കൂടുതൽ സങ്കീർണമാകുകയാണ്.
നേപ്പാൾ പ്രളയം; തിരിച്ചറിയാത്ത മൃതദേഹങ്ങൾ സംസ്കരിക്കുന്നു
കാഠ്മണ്ഡുവിന്റെ വടക്ക്, വടക്കുപടിഞ്ഞാറൻ മേഖലകളിൽ തിരിച്ചറിയാത്ത മൃതദേഹങ്ങൾ സംസ്കരിക്കുന്ന നടപടികൾ പുരോഗമിക്കുകയാണ്. മൃതദേഹങ്ങൾ കൂടുതൽ സമയം സൂക്ഷിക്കാൻ കഴിയാത്ത സാഹചര്യം വന്നതോടെയാണ് സംസ്കരിക്കാൻ തീരുമാനിച്ചത്.
അതേസമയം, മരിച്ചവരെ പിന്നീട് തിരിച്ചറിയുന്നതിനായി ഡിഎൻഎ സാമ്പിളുകൾ ശേഖരിച്ചിട്ടുണ്ട്. ഓരോ മൃതദേഹവും എവിടെയാണ് അടക്കം ചെയ്തതെന്ന് രേഖപ്പെടുത്താൻ പ്രത്യേക നമ്പറുകളും വിശദാംശങ്ങളടങ്ങിയ ബോർഡുകളും സ്ഥാപിച്ചിട്ടുണ്ട്.
പിന്നീട് മൃതദേഹങ്ങൾ പുറത്തെടുക്കാൻ സൗകര്യം
ഭാവിയിൽ മൃതദേഹങ്ങൾ തിരിച്ചറിയാൻ സാധിച്ചാൽ ആവശ്യമായ സാഹചര്യത്തിൽ കുഴിമാടങ്ങൾ തുറന്ന് മൃതദേഹങ്ങൾ പുറത്തെടുക്കുന്നതിനാണ് നിലവിലെ ക്രമീകരണം.
More Read
ചിത്വാനിലും മൃതദേഹങ്ങൾ താൽക്കാലികമായി സംസ്കരിക്കുന്ന നടപടികൾ തുടരുകയാണ്. പിന്നീട് പുറത്തെടുക്കാൻ കഴിയുന്ന തരത്തിൽ ഏകദേശം 1.5 മീറ്റർ ആഴത്തിലാണ് മൃതദേഹങ്ങൾ അടക്കം ചെയ്യുന്നത്.
ഇന്ത്യക്കാരെയും മലയാളികളെയും തേടി തെരച്ചിൽ
നേപ്പാൾ പ്രളയത്തിൽ കാണാതായ മലയാളികൾ ഉൾപ്പെടെയുള്ള ഇന്ത്യക്കാർക്കായുള്ള തെരച്ചിലും തുടരുകയാണ്. ഇന്ത്യയിൽനിന്നുള്ള ഫോറൻസിക് സംഘം നേപ്പാൾ പൊലീസ് സെൻട്രൽ ഫോറൻസിക് സയൻസ് ലാബിലും ത്രിഭുവൻ യൂണിവേഴ്സിറ്റി ടീച്ചിംഗ് ഹോസ്പിറ്റലിലുമായി ഡിഎൻഎ സാമ്പിളുകൾ ശേഖരിച്ച് പരിശോധിക്കുന്നുണ്ട്.
ഇതിനിടെ, ത്രിശൂലി വൈദ്യുതി പദ്ധതി മേഖലയിലെ തുരങ്കത്തിലടക്കം ഇന്ത്യൻ തൊഴിലാളികൾ കുടുങ്ങിക്കിടക്കുന്നുണ്ടെന്ന സംശയത്തിൽ രക്ഷാപ്രവർത്തനം ശക്തമാക്കി.
More Read
English summary:
The death toll in Nepal’s August 26 flash floods has reportedly crossed 1,200, while more than 4,000 people are still missing. At Tribhuvan Hospital in Kathmandu alone, 165 bodies remain unidentified. DNA samples are being collected to help identify victims. Unidentified bodies are being temporarily buried with identification numbers and records so they can be exhumed later if necessary. Search and rescue operations are also continuing for missing Indians, including Malayalis, with Indian forensic teams assisting Nepalese authorities.
