ആലപ്പുഴ: കരുവാറ്റ കൊലക്കേസിൽ പ്രതിപ്പട്ടികയിലുള്ള പ്രായപൂർത്തിയാകാത്ത പെൺകുട്ടിയെ കസ്റ്റഡിയിൽ വേണമെന്നാവശ്യപ്പെട്ട് പോലീസ് നൽകിയ അപേക്ഷയിലെ വാദം മാറ്റി. കസ്റ്റഡി അപേക്ഷയിൽ പ്രോസിക്യൂഷന്റെ വാദം കേൾക്കുന്നതിനായി സെപ്റ്റംബർ 19ലേക്കാണ് ആലപ്പുഴ ജുവനൈൽ ജസ്റ്റിസ് ബോർഡ് നടപടി മാറ്റിയത്.
മൂന്ന് പ്രായപൂർത്തിയാകാത്ത പ്രതികളുടെ കസ്റ്റഡി സ്റ്റേ ചെയ്തു
കേസിലെ മൂന്ന് പ്രായപൂർത്തിയാകാത്ത പ്രതികളെയും പോലീസ് കസ്റ്റഡിയിൽ വിട്ട ജുവനൈൽ ജസ്റ്റിസ് ബോർഡിന്റെ നടപടിക്ക് ഹൈക്കോടതി നേരത്തെ സ്റ്റേ ഏർപ്പെടുത്തിയിരുന്നു.
ഇതിന്റെ പശ്ചാത്തലത്തിലാണ് പെൺകുട്ടിയുടെ കസ്റ്റഡി അപേക്ഷയിലെ തുടർനടപടികൾ നിർണായകമാകുന്നത്.
കഴിഞ്ഞമാസം 15ന് വയോധികൻ കൊല്ലപ്പെട്ടു
കഴിഞ്ഞമാസം 15നാണ് കരുവാറ്റയിൽ വാടകയ്ക്ക് താമസിച്ചിരുന്ന 65കാരൻ കൊല്ലപ്പെട്ടത്. കൊല്ലം പരവൂർ സ്വദേശിയായ ശിവൻകുട്ടി ചെട്ടിയാരാണ് കൊല്ലപ്പെട്ടത്.
സംഭവത്തിൽ ഇയാളുടെ 13 വയസ്സുകാരിയായ കൊച്ചുമകൾ സുഹൃത്തുക്കൾക്ക് ക്വട്ടേഷൻ നൽകിയെന്നാണ് പോലീസ് അന്വേഷണത്തിൽ കണ്ടെത്തിയതെന്ന് റിപ്പോർട്ടുകൾ പറയുന്നു.
More Read
സ്വർണവും പണവും മോഷ്ടിച്ച് ഐഫോണും ബൈക്കും വാങ്ങാൻ പദ്ധതിയെന്ന് മൊഴി
വീട്ടിലുണ്ടായിരുന്ന സ്വർണവും പണവും മോഷ്ടിച്ച് ഐഫോണും ബൈക്കുകളും വാങ്ങുകയായിരുന്നു ലക്ഷ്യമെന്നാണ് കുട്ടികൾ പോലീസിന് നൽകിയ മൊഴിയെന്ന് അന്വേഷണ സംഘം വ്യക്തമാക്കിയിട്ടുണ്ട്.
കേസിൽ അറസ്റ്റിലായ ആൺകുട്ടികളെ ആലപ്പുഴ മായിത്തറയിലെ സംരക്ഷണ കേന്ദ്രത്തിലാണ് പാർപ്പിച്ചിരിക്കുന്നത്. പെൺകുട്ടി സാമൂഹിക ക്ഷേമ വകുപ്പിന്റെ കോഴിക്കോട്ടെ നിരീക്ഷണ കേന്ദ്രത്തിലാണുള്ളത്.
English Summary
The hearing on the prosecution’s plea seeking custody of a minor girl accused in the Karuvatta elderly man murder case has been postponed to September 19. The Alappuzha Juvenile Justice Board will hear the prosecution’s arguments on the custody application. The High Court had earlier stayed the Juvenile Justice Board’s order granting police custody of all three minor accused. Police investigation reportedly found that the 13-year-old granddaughter had allegedly arranged the crime through friends, with the accused allegedly planning to steal gold and cash to buy iPhones and motorcycles
