തിരുവനന്തപുരം: സർക്കാരിന്റെ നൂറുദിന കർമപരിപാടിയുടെ ഭാഗമായി സാംസ്കാരിക വകുപ്പിന്റെ നേതൃത്വത്തിൽ ഹൈസ്കൂൾ, കോളജ് വിദ്യാർഥികൾക്കായി ഹ്രസ്വചിത്ര മത്സരം സംഘടിപ്പിക്കുന്നു. ‘കേരളം – കലയും തനത് സംസ്കാരവും ടൂറിസവും’ എന്നതാണ് ഈ വർഷത്തെ മത്സര വിഷയം.
ഒരു മിനിറ്റ് മുതൽ പരമാവധി 10 മിനിറ്റ് വരെ ദൈർഘ്യമുള്ള ഹ്രസ്വചിത്രങ്ങളാണ് മത്സരത്തിനായി സമർപ്പിക്കേണ്ടത്.
കോളജ്, ഹയർസെക്കൻഡറി വിദ്യാർഥികൾക്ക് അവസരം
സംസ്ഥാനത്തെ അംഗീകൃത കോളജുകളിലെ ബിരുദ, ബിരുദാനന്തര വിദ്യാർഥികൾക്ക് മത്സരത്തിൽ പങ്കെടുക്കാം. പ്രൊഫഷണൽ കോളജുകളിൽ പഠിക്കുന്ന വിദ്യാർഥികൾക്കും അവസരമുണ്ട്.
സ്കൂൾ വിഭാഗത്തിൽ ഹയർസെക്കൻഡറി അല്ലെങ്കിൽ തത്തുല്യ കോഴ്സുകളിൽ പഠിക്കുന്ന വിദ്യാർഥികൾക്കാണ് പങ്കെടുക്കാനാകുക.
തെരഞ്ഞെടുക്കുന്ന ചിത്രങ്ങൾ മേളയിൽ പ്രദർശിപ്പിക്കും
മത്സരത്തിലേക്ക് തെരഞ്ഞെടുക്കപ്പെടുന്ന ഹ്രസ്വചിത്രങ്ങൾ മേളയിൽ പ്രദർശിപ്പിക്കും. മികച്ച ചിത്രങ്ങൾക്ക് പുരസ്കാരങ്ങളും നൽകും.
More Read
മത്സരത്തിൽ പങ്കെടുക്കുന്ന വിദ്യാർഥികൾ സ്ഥാപനമേധാവിയുടെ സാക്ഷ്യപത്രം സഹിതം അപേക്ഷ സമർപ്പിക്കണം.
സെപ്റ്റംബർ 24 അവസാന തീയതി
സെപ്റ്റംബർ 24 ആണ് അപേക്ഷകളും എൻട്രികളും സമർപ്പിക്കാനുള്ള അവസാന തീയതി.
എൻട്രികൾ സമർപ്പിക്കേണ്ട ഇ-മെയിൽ: shortfilmcomp.culture@gmail.com
കൂടുതൽ വിവരങ്ങൾക്ക്: 0471 2478193, 9447728351.
വിദ്യാർഥികളുടെ സർഗാത്മക കഴിവുകൾ പ്രോത്സാഹിപ്പിക്കുന്നതിനൊപ്പം കേരളത്തിന്റെ കല, തനത് സംസ്കാരം, ടൂറിസം എന്നിവ പുതിയ തലമുറയുടെ കാഴ്ചപ്പാടിലൂടെ അവതരിപ്പിക്കുകയാണ് മത്സരത്തിന്റെ ലക്ഷ്യം.
