കോട്ടയം ചങ്ങനാശേരിയിൽ ഒരു കുടുംബത്തിലെ മൂന്ന് പേരെ വീട്ടിൽ മരിച്ച നിലയിൽ കണ്ടെത്തി. അച്ഛനും അമ്മയും മകനുമാണ് മരിച്ചത്. സാജു (64), ഭാര്യ അനു (59), മകൻ സബിൻ (33) എന്നിവരാണ് മരിച്ചത്. സംഭവത്തിൽ ആത്മഹത്യയെന്നാണ് പൊലീസിന്റെ പ്രാഥമിക നിഗമനം.
ചങ്ങനാശേരിയിൽ മൂന്ന് മരണം; മൃതദേഹങ്ങൾ രണ്ട് മുറികളിൽ
ദമ്പതികളുടെ മൃതദേഹങ്ങൾ ഒരു മുറിയിലും മകന്റെ മൃതദേഹം മറ്റൊരു മുറിയിലുമാണ് കണ്ടെത്തിയത്. സംഭവമറിഞ്ഞ് ചങ്ങനാശേരി പൊലീസ് സ്ഥലത്തെത്തി തുടർനടപടികൾ സ്വീകരിച്ചു.
സാമ്പത്തിക പ്രതിസന്ധിയെന്ന് സൂചന
സാമ്പത്തിക പ്രതിസന്ധിയാണ് കുടുംബത്തിന്റെ മരണത്തിന് കാരണമെന്നാണ് പ്രാഥമിക വിവരങ്ങൾ. എന്നാൽ, ഇക്കാര്യം ഔദ്യോഗികമായി സ്ഥിരീകരിച്ചിട്ടില്ല. സംഭവത്തിന്റെ സാഹചര്യങ്ങൾ പൊലീസ് പരിശോധിച്ചുവരികയാണ്.
More Read
പലചരക്ക് കട നടത്തിയിരുന്ന കുടുംബം; പിന്നീട് ഹോംസ്റ്റേ
കുടുംബം നേരത്തെ പലചരക്ക് കട നടത്തിയിരുന്നു. നിലവിൽ വീടിന്റെ മുകൾനിലയിൽ ഹോംസ്റ്റേ നടത്തിവരികയായിരുന്നു. മരണത്തിലേക്ക് നയിച്ച സാഹചര്യങ്ങൾ സംബന്ധിച്ച് കൂടുതൽ വിവരങ്ങൾ പൊലീസ് അന്വേഷണത്തിലൂടെ വ്യക്തമാകേണ്ടതുണ്ട്.
English Summary:
More Read
Three members of a family — Saju (64), his wife Anu (59), and their son Sabin (33) — were found dead at their home in Changanassery, Kottayam. Police suspect suicide as a preliminary possibility. Reports indicate financial difficulties may have been a factor, but this has not been officially confirmed. Police have begun further investigation.
