കൊല്ലം: കടയ്ക്കലിൽ ഭർതൃവീട്ടിൽ ആത്മഹത്യയ്ക്ക് ശ്രമിച്ച് ഗുരുതരമായി പരിക്കേറ്റ് ചികിത്സയിലായിരുന്ന സ്വകാര്യ സ്കൂൾ അധ്യാപിക മരിച്ചു. ഇളമ്പഴന്നൂർ സമീർ മൻസിലിൽ സമീറിന്റെ ഭാര്യ നിഷ്ന (27) ആണ് മരിച്ചത്. ഫോണിൽ മറ്റൊരാളുമായി ചാറ്റ് ചെയ്യുന്നതിനെച്ചൊല്ലി ഭർത്താവ് ചോദ്യം ചെയ്തിരുന്നതായി പോലീസ് അറിയിച്ചു.
ഭർത്താവുമായുള്ള തർക്കത്തിന് പിന്നാലെ ആത്മഹത്യാശ്രമം
കഴിഞ്ഞ ദിവസം വൈകിട്ടാണ് സംഭവം. സ്കൂളിൽനിന്ന് സമീർ വീട്ടിലെത്തിച്ച നിഷ്ന, വീട്ടിലെത്തിയതിന് പിന്നാലെ ആത്മഹത്യയ്ക്ക് ശ്രമിക്കുകയായിരുന്നു. സംഭവം ശ്രദ്ധയിൽപ്പെട്ട സമീർ ഉടൻ തന്നെ കുരുക്കഴിച്ച് ആശുപത്രിയിലെത്തിച്ചു.
എന്നാൽ ഗുരുതരമായി പരിക്കേറ്റ നിഷ്ന ചികിത്സയിലിരിക്കെ മരിക്കുകയായിരുന്നു.
ഫോണിലെ ചാറ്റിനെച്ചൊല്ലി തർക്കമുണ്ടായിരുന്നതായി പോലീസ്
More Read
നിഷ്ന ഫോണിൽ മറ്റൊരാളുമായി ചാറ്റ് ചെയ്യുന്നതിനെച്ചൊല്ലി സമീർ ചോദ്യം ചെയ്തിരുന്നതായി പോലീസ് വ്യക്തമാക്കിയിട്ടുണ്ട്. ഇതുമായി ബന്ധപ്പെട്ട സാഹചര്യങ്ങളാണ് സംഭവത്തിലേക്ക് നയിച്ചതെന്നാണ് പ്രാഥമിക വിവരം.
മൃതശരീരം കബറടക്കി
പോസ്റ്റ്മോർട്ടം നടപടികൾ പൂർത്തിയാക്കിയ ശേഷം മൃതദേഹം കബറടക്കി. ഏരൂർ പത്തടിയിലെ നിയാസ് മൻസിലിൽ മുഹമ്മദ് ബഷീറിന്റെയും സുബയയുടെയും മകളാണ് നിഷ്ന. ഐന ഫാത്തിമ, ഐഹാൻ ഫാത്തിമ എന്നിവർ മക്കളാണ്.
More Read
English Summary: A 27-year-old private school teacher, Nishna, died while undergoing treatment after attempting suicide at her matrimonial home in Kadakkal, Kollam. Police said her husband had questioned her about chatting with another person on her phone. The circumstances surrounding the incident have been reported by the police.
