കുടുംബപ്രേക്ഷകരെ ലക്ഷ്യമിട്ട് അവറാച്ചൻ ആൻഡ് സൺസ്

ബിജു മേനോൻ നായകനാകുന്ന കുടുംബചിത്രം അവറാച്ചൻ ആൻഡ് സൺസ് ഒക്ടോബർ രണ്ടിന് തിയറ്ററുകളിലെത്തും. ലിസ്റ്റിൻ സ്റ്റീഫൻ അവതരിപ്പിക്കുന്ന ചിത്രത്തിൽ ശ്രീനാഥ് ഭാസി, ഗണപതി, വിനയ് ഫോർട്ട് തുടങ്ങിയവരും പ്രധാന വേഷങ്ങളിലെത്തുന്നു. നവാഗതനായ തമ്പിയാണ് ചിത്രം സംവിധാനം ചെയ്യുന്നത്.

സോഷ്യൽ മീഡിയയിൽ ശ്രദ്ധ നേടിയ ചിത്രത്തിന്റെ ഗാനങ്ങൾക്കും ടീസറിനും ട്രെയിലറിനും മികച്ച പ്രതികരണമാണ് ലഭിക്കുന്നത്. കുടുംബപ്രേക്ഷകരെ ലക്ഷ്യമിട്ടുള്ള നർമ മുഹൂർത്തങ്ങൾ നിറഞ്ഞ ഫാമിലി ഡ്രാമയായാണ് അവറാച്ചൻ ആൻഡ് സൺസ് ഒരുങ്ങുന്നത്.

ട്രെയിലറിന് പത്ത് ലക്ഷത്തിലേറെ കാഴ്ചകൾ

ചിത്രത്തിന്റെ ട്രെയിലർ ഇതിനകം പത്ത് ലക്ഷത്തിലേറെ കാഴ്ചകൾ നേടി. ഇതോടെ അവറാച്ചൻ ആൻഡ് സൺസ് റിലീസിന് മുന്നോടിയായി ശ്രദ്ധ നേടുകയാണ്.

ഒരു ഇടവേളയ്ക്ക് ശേഷമാണ് ബിജു മേനോൻ നായകനായെത്തുന്ന കുടുംബചിത്രം പ്രേക്ഷകരിലേക്കെത്തുന്നത്. ചിത്രത്തിന്റെ കഥയും തിരക്കഥയും ജോസഫ് വിജീഷും തമ്പിയും ചേർന്നാണ് ഒരുക്കിയത്.

വൻ താരനിരയുമായി അവറാച്ചൻ ആൻഡ് സൺസ്

ശ്രീനാഥ്‌ ഭാസി, ഗണപതി, വിനയ് ഫോർട്ട്, ജോണി ആന്റണി, ഗ്രെയ്‌സ് ആന്റണി, അഖില ഭാർഗവൻ എന്നിവരും ചിത്രത്തിൽ പ്രധാന കഥാപാത്രങ്ങളെ അവതരിപ്പിക്കുന്നു.

പൗളി വത്സൺ, സാബുമോൻ, കോട്ടയം നസീർ, വിനീത് തട്ടിൽ, സാജൻ പള്ളുരുത്തി, ആഷിഖ് ഖാലിദ്, സുധി കോപ്പ, സജിൻ ചെറുകയിൽ, ഷാജു ശ്രീധർ, നിഷാ സാരംഗ് എന്നിവരും താരനിരയിലുണ്ട്.

സാങ്കേതിക വിഭാഗത്തിലും പ്രമുഖർ

സഹനിർമാണം ജസ്റ്റിൻ സ്റ്റീഫൻ നിർവഹിക്കുന്നു. സന്തോഷ് കൃഷ്ണനും നവീൻ പി. തോമസുമാണ് എക്സിക്യൂട്ടീവ് പ്രൊഡ്യൂസർമാർ. സജിത് പുരുഷൻ ഛായാഗ്രഹണവും ആകാശ് ജോസഫ് വർഗീസ് എഡിറ്റിംഗും നിർവഹിക്കുന്നു.

സനൽ ദേവാണ് സംഗീത സംവിധാനം. അഖിൽ യശോധരൻ ലൈൻ പ്രൊഡ്യൂസറായും അജി കുറ്റിയാനി ആർട്ട് ഡയറക്ടറായും പ്രവർത്തിക്കുന്നു. വസ്ത്രാലങ്കാരം സ്റ്റെഫി സേവ്യറും മേക്കപ്പ് റഷീദ് അഹമ്മദുമാണ്.

അണിയറയിൽ കൂടുതൽ പ്രവർത്തകർ

ശങ്കരൻ എ.എസ്., കെ.സി. സിദ്ധാർത്ഥൻ എന്നിവർ സൗണ്ട് ഡിസൈനും വിഷ്ണു സുജാതൻ സൗണ്ട് മിക്‌സിങ്ങും നിർവഹിക്കുന്നു. ഡിക്‌സൺ പൊടുത്താസ് പ്രൊഡക്ഷൻ കൺട്രോളറാണ്.ജിബിൻ ജോൺ ചീഫ് അസോസിയേറ്റ് ഡയറക്ടറും ഓസ്റ്റിൻ എബ്രഹാം ഫസ്റ്റ് അസോസിയേറ്റ് ഡയറക്ടറുമാണ്. ബബിൻ ബാബു അഡ്മിനിസ്ട്രേഷൻ ആൻഡ് ഡിസ്ട്രിബ്യൂഷൻ ഹെഡായി പ്രവർത്തിക്കുന്നു.ബിജിത് ധർമടമാണ് സ്റ്റിൽസ്.

സൗത്ത് ഫ്രെയിംസ് എന്റർടൈൻമെന്റ് മാർക്കറ്റിംഗും ഒബ്സ്ക്യൂറ എന്റർടൈൻമെന്റ് ഡിജിറ്റൽ മാർക്കറ്റിംഗും നിർവഹിക്കുന്നു. ബ്രിങ് ഫോർത്ത് പരസ്യവും പ്രോമൈസ് സ്റ്റുഡിയോസ് വി.എഫ്.എക്സും കൈകാര്യം ചെയ്യുന്നു.ടെൻ പോയിന്റാണ് പബ്ലിസിറ്റി ഡിസൈൻ നിർവഹിക്കുന്നത്. പ്രതീഷ് ശേഖറാണ് പി.ആർ.ഒ.

English summary:Biju Menon-starrer family entertainer Avarachan and Sons, presented by Listin Stephen, is set to release in theatres on October 2. Directed by debutant Thampi, the film features Srinath Bhasi, Ganapathi, Vinay Forrt, Johny Antony, Grace Antony and several other prominent actors. The film has received strong attention on social media, with its trailer crossing one million views. The screenplay is jointly written by Joseph Vijeesh and Thampi.