കൊച്ചി: നടിയും നർത്തകിയുമായ ആശ ശരത്തിന്റെ ഇളയമകൾ കീർത്തനയുടെ വിവാഹനിശ്ചയം നടന്നു. അഖിലാണ് വരൻ. കൊച്ചിയിൽ നടന്ന ചടങ്ങിൽ സിനിമാ മേഖലയിലെ പ്രമുഖർ പങ്കെടുത്തത് ചടങ്ങിന് കൂടുതൽ മിഴിവേകി.
നടൻമാരായ ദിലീപ്, സിദ്ദീഖ്, ജയറാം, ലാൽ, സുരേഷ് ഗോപി എന്നിവരടക്കമുള്ള നിരവധി താരങ്ങൾ ചടങ്ങിൽ സന്നിഹിതരായി. വിവാഹനിശ്ചയത്തിന്റെ ചിത്രങ്ങളും വീഡിയോകളും സമൂഹമാധ്യമങ്ങളിൽ ശ്രദ്ധ നേടുകയാണ്.
കാനഡയിലെ വെസ്റ്റേൺ സർവകലാശാലയിൽ നിന്ന് സിന്തറ്റിക് ബയോളജിയിൽ ബിരുദം നേടിയ വ്യക്തിയാണ് കീർത്തന. ആശ ശരത്തിന്റെ രണ്ടാമത്തെ മകളാണ് അവർ.
ഇതിനുമുമ്പ് 2023-ലാണ് ആശ ശരത്തിന്റെ മൂത്ത മകൾ ഉത്തരയുടെ വിവാഹം നടന്നത്. 2021-ലെ മിസ് കേരള റണ്ണറപ്പായിരുന്ന ഉത്തര ബിസിനസ് അനലിറ്റിക്സിൽ ബിരുദാനന്തര ബിരുദവും നേടിയിട്ടുണ്ട്.
കുടുംബാംഗങ്ങളും അടുത്ത സുഹൃത്തുക്കളും സിനിമാ മേഖലയിലെ പ്രമുഖരും പങ്കെടുത്ത ചടങ്ങിന്റെ ദൃശ്യങ്ങൾ ആരാധകർ ഏറ്റെടുത്തിരിക്കുകയാണ്.
More Read
English Summary
Actress and dancer Asha Sharath’s younger daughter Keerthana got engaged to Akhil at a ceremony held in Kochi. Several prominent Malayalam film personalities, including Dileep, Siddique, Jayaram, Lal, and Suresh Gopi, attended the event. Keerthana is a graduate in Synthetic Biology from Western University, Canada.
