തൃശൂർ: മണ്ണുത്തിയിൽ പതിനഞ്ചുകാരനായ വിദ്യാർഥിയെ കാണാതായതായി പരാതി. മുക്കാട്ടുകര സ്വദേശി ജോയൽ ജോർജ്ജ് ജോഷിയെയാണ് കാണാതായത്. മണ്ണുത്തി ഡോൺ ബോസ്കോ സ്കൂളിലെ പത്താം ക്ലാസ് വിദ്യാർഥിയാണ് ജോയൽ. സ്കൂളിലേക്ക് പോകുകയാണെന്ന് പറഞ്ഞ് വീട്ടിൽനിന്നിറങ്ങിയ കുട്ടിയെ പിന്നീട് കണ്ടെത്താനായിട്ടില്ല.
യൂണിഫോമിൽ വീട്ടിൽനിന്നിറങ്ങി; പിന്നീട് വസ്ത്രം മാറി
ഇന്നലെ രാവിലെയാണ് ജോയൽ പതിവുപോലെ സ്കൂൾ യൂണിഫോം ധരിച്ച് വീട്ടിൽനിന്ന് ഇറങ്ങിയത്. എന്നാൽ പിന്നീട് യൂണിഫോം മാറ്റി മറ്റുവസ്ത്രങ്ങൾ ധരിച്ച് നടന്നുപോകുന്നതായി സമീപത്തെ സിസിടിവി ദൃശ്യങ്ങളിൽ വ്യക്തമായിട്ടുണ്ട്.
കുട്ടി വസ്ത്രം മാറിയശേഷം നടന്നുപോകുന്ന ദൃശ്യങ്ങൾ പോലീസിന് ലഭിച്ചിട്ടുണ്ട്. ഇതിന്റെ അടിസ്ഥാനത്തിലും അന്വേഷണം പുരോഗമിക്കുകയാണ്.
ബസ് സ്റ്റാൻഡുകളും റെയിൽവേ സ്റ്റേഷനുകളും കേന്ദ്രീകരിച്ച് അന്വേഷണം
More Read
രക്ഷിതാക്കളുടെ പരാതിയിൽ പോലീസ് അന്വേഷണം ആരംഭിച്ചു. ബസ് സ്റ്റാൻഡുകൾ, റെയിൽവേ സ്റ്റേഷനുകൾ എന്നിവ കേന്ദ്രീകരിച്ചാണ് പ്രധാനമായും പരിശോധന നടത്തുന്നത്.
കൂടാതെ, സമീപപ്രദേശങ്ങളിലെ സിസിടിവി ദൃശ്യങ്ങൾ പരിശോധിച്ചും കുട്ടിയെ കണ്ടെത്താനുള്ള ശ്രമം തുടരുകയാണ്.
ജോയലിനെക്കുറിച്ച് വിവരം ലഭിച്ചാൽ അറിയിക്കണം
ജോയൽ ജോർജ്ജ് ജോഷിയെക്കുറിച്ച് എന്തെങ്കിലും വിവരം ലഭിക്കുന്നവർ താഴെ നൽകിയിരിക്കുന്ന നമ്പറിൽ ബന്ധപ്പെടണമെന്ന് അധികൃതർ അറിയിച്ചു.
ബന്ധപ്പെടേണ്ട നമ്പർ: 9496346562
