കണ്ണൂർ: ഫുട്ബോൾ കളിക്കിടെ മരണം വീണ്ടും നാടിനെ ദുഃഖത്തിലാഴ്ത്തി. കണ്ണൂർ പാനൂരിൽ ടർഫ് മൈതാനത്ത് ഫുട്ബോൾ കളിക്കുന്നതിനിടെ കുഴഞ്ഞുവീണ് 19കാരനായ യുവാവ് മരിച്ചു. പാനൂർ വള്ളങ്ങാട് പെട്രോൾ പമ്പിന് സമീപം താമസിക്കുന്ന പാനേന്റവിട ഷാൽമിൻ സജീവാണ് മരിച്ചത്.
ടർഫിൽ കളിക്കുന്നതിനിടെ കുഴഞ്ഞുവീണു
ഫുട്ബോൾ കളിച്ചുകൊണ്ടിരിക്കെ ഷാൽമിൻ പെട്ടെന്ന് കുഴഞ്ഞുവീഴുകയായിരുന്നു. ഉടൻതന്നെ ആശുപത്രിയിലെത്തിച്ചെങ്കിലും ജീവൻ രക്ഷിക്കാനായില്ല. മരണകാരണം സംബന്ധിച്ച കൂടുതൽ വിവരങ്ങൾ ലഭ്യമായിട്ടില്ല.
അഗ്നിവീർ തിരഞ്ഞെടുപ്പിൽ ഇടംനേടിയ ഉദ്യോഗാർഥി
ഇന്ത്യൻ സൈനിക ക്യാംപിൽനിന്ന് അഗ്നിവീർ വിഭാഗത്തിലേക്ക് തിരഞ്ഞെടുക്കപ്പെട്ട ഉദ്യോഗാർഥിയായിരുന്നു ഷാൽമിൻ. സൈനിക സേവനത്തിനായി ഒരുങ്ങുന്നതിനിടെയാണ് അപ്രതീക്ഷിത വിയോഗം.
സംസ്കാരം ഇന്ന് വൈകിട്ട്
സജീവിന്റെയും ജിമിഷയുടെയും മകനാണ് ഷാൽമിൻ. സഹോദരി ഷാൻവിയ. സംസ്കാരം ഇന്ന് വൈകിട്ട് നാലിന് വീട്ടുവളപ്പിൽ നടക്കും.
English Summary:
More Read
A 19-year-old man, Shalmin Sajeev, died after collapsing while playing football on a turf pitch in Panoor, Kannur. He was rushed to hospital but could not be saved. He had been selected for the Agniveer category at an Indian Army camp. His funeral is scheduled for 4 pm at his residence.
