ഉത്തർപ്രദേശിൽ നിന്നും പുറത്തുവരുന്ന ഒരു അസാധാരണ വിവാഹവാർത്ത ഇപ്പോൾ സമൂഹമാധ്യമങ്ങളിൽ വലിയ തോതിലുള്ള ചർച്ചകൾക്കും വിവാദങ്ങൾക്കും വഴിവെച്ചിരിക്കുകയാണ്. നാല് വർഷത്തോളം നീണ്ടുനിന്ന രഹസ്യ പ്രണയത്തിനൊടുവിൽ സ്വന്തം അമ്മായിയമ്മയെ വിവാഹം കഴിച്ച ഒരു യുവാവാണ് ഈ വാർത്തയിലെ കേന്ദ്രകഥാപാത്രം.
കാൺപുർ ദേഹത് ജില്ലയിലെ അക്ബർപുർ മേഖലയിലാണ് നാടിനെ മുഴുവൻ ഞെട്ടിച്ച ഈ സംഭവം അരങ്ങേറിയിരിക്കുന്നത്. കഴുത്തിൽ വിവാഹമാലയണിഞ്ഞ്, അതീവ സന്തോഷത്തോടെ തങ്ങളുടെ വിവാഹ സർട്ടിഫിക്കറ്റും കൈയ്യിലേന്തി നിൽക്കുന്ന ഈ ദമ്പതികളുടെ വിഡിയോ സമൂഹമാധ്യമങ്ങളിൽ അതിവേഗമാണ് വ്യാപകമായി പ്രചരിക്കുന്നത്. ഈ ദൃശ്യങ്ങൾ കണ്ട വധൂവരന്മാരുടെ ഉറ്റവരും നാട്ടുകാരും ഒരുപോലെ അത്ഭുതത്തിലും പ്രതിസന്ധിയിലുമpreview ആയിരിക്കുകയാണ്.
കഴിഞ്ഞ നാല് വർഷമായി ആരും അറിയാതെ കാത്തുസൂക്ഷിച്ച പ്രണയബന്ധമാണ് ഇപ്പോൾ വിവാഹത്തിൽ എത്തിനിൽക്കുന്നത്. പ്രണയം ശക്തമായതോടെ ഇരുവരും ഒരുമിച്ച് ജീവിക്കാൻ തീരുമാനിക്കുകയും വീട്ടുകാർ അറിയാതെ വീടുവിട്ടിറങ്ങി ഒളിച്ചോടുകയുമായിരുന്നു.
തുടർന്ന് ഇവർ നിയമപരമായി രജിസ്ട്രർ വിവാഹം ചെയ്യുകയും, അതിനുശേഷമാണ് ഏവരുടെയും അനുഗ്രഹവും പ്രാർത്ഥനയും തേടിക്കൊണ്ട് ഒരു വീഡിയോ ചിത്രീകരിച്ച് സമൂഹമാധ്യമങ്ങളിൽ പങ്കുവെച്ചത്. ഇവരുടെ കുടുംബാംഗങ്ങൾക്ക് ആർക്കും തന്നെ ഇങ്ങനെയൊരു പ്രണയബന്ധത്തെക്കുറിച്ച് യാതൊരുവിധ സൂചനയും ഉണ്ടായിരുന്നില്ല. അതുകൊണ്ടുതന്നെ അപ്രതീക്ഷിതമായി പുറത്തുവന്ന ഈ വിവാഹ വീഡിയോ കുടുംബത്തിൽ വലിയ തോതിലുള്ള ആഘാതമാണ് സൃഷ്ടിച്ചിരിക്കുന്നത്.
പരസ്പര സമ്മതത്തോടെയാണ് തങ്ങൾ ഈ തീരുമാനമെടുത്തതെന്നും, തങ്ങളുടെ ബന്ധത്തെ സമൂഹവും കുടുംബവും അംഗീകരിച്ച് അനുഗ്രഹിക്കണമെന്നും യുവാവും അമ്മായിയമ്മയും ഈ വിഡിയോയിലൂടെ ആളുകളോട് അഭ്യർഥിക്കുന്നുണ്ട്.
More Read
എന്നാൽ ഈ സംഭവത്തോട് വളരെ രൂക്ഷമായ ഭാഷയിലാണ് സമൂഹമാധ്യമങ്ങളിലെ ഭൂരിഭാഗം ഉപയോക്താക്കളും പ്രതികരിക്കുന്നത്. ഇതൊരു വെറും പ്രണയകഥയല്ലെന്നും, മറിച്ച് ഒരു കുടുംബത്തിന്റെ അടിത്തറയെയും വിശുദ്ധിയെയും പൂർണ്ണമായി തകർത്തുകളഞ്ഞ പ്രവൃത്തിയാണെന്നുമാണ് ഉയരുന്ന പ്രധാന വിമർശനം.
ഈ അവിവേകത്തിനിടയിൽപ്പെട്ടുപോയ മറ്റ് കുടുംബാംഗങ്ങളാണ് യഥാർത്ഥ ഇരകളെന്ന് ഒരുകൂട്ടം ആളുകൾ പരിതപിക്കുമ്പോൾ, കുടുംബബന്ധങ്ങൾ അതിന്റെ അതിരുകൾ ലംഘിച്ചുവെന്നും കാമം ജയിക്കുകയും കുടുംബം തോൽക്കുകയും ചെയ്തുവെന്നുമുള്ള കടുത്ത വിമർശനങ്ങളാണ് മറ്റുള്ളവർ ഉന്നയിക്കുന്നത്.
സമാനമായതും എന്നാൽ അല്പം വ്യത്യസ്തവുമായ മറ്റൊരു സംഭവം ഇതിനു മുൻപ് 2024-ൽ ബിഹാറിലും റിപ്പോർട്ട് ചെയ്യപ്പെട്ടിരുന്നു. അന്ന് സ്വന്തം ഭാര്യയുടെ മരണശേഷമാണ് നാൽപ്പത്തിയഞ്ചുകാരനായ യുവാവ് അമ്മായിയമ്മയുമായി പ്രണയത്തിലായത്. ഭാര്യയുടെ വിയോഗത്തെത്തുടർന്ന് ഭാര്യവീട്ടുകാർക്കൊപ്പമാണ് ഈ യുവാവ് താമസിച്ചിരുന്നത്.
More Read
അവിടെവെച്ച് അമ്പത്തിയഞ്ചുകാരിയായ അമ്മായിയമ്മ ഗീതാദേവിയുമായി ഇയാൾ കൂടുതൽ അടുത്തു. ഒടുവിൽ ഇവരുടെ ബന്ധം അമ്മായിയച്ഛൻ കണ്ടെത്തുകയും, ഗ്രാമവാസികളുടെ മുന്നിൽ വെച്ച് താൻ ഗീതയെ പ്രണയിക്കുന്നുണ്ടെന്ന് യുവാവ് പരസ്യമായി സമ്മതിക്കുകയും ചെയ്തു. തുടർന്ന് നാട്ടുകാരുടെ സാന്നിധ്യത്തിൽ ഇരുവരും വിവാഹിതരാവുകയായിരുന്നു.
English Summary
A shocking wedding video from Kanpur, Uttar Pradesh, has gone viral, where a young man married his mother-in-law after a secret four-year affair. The couple eloped and legally registered their marriage. While they seek family blessings, social media users strongly criticized them for destroying family values and relationships.
