ബ്യൂണസ് ഐറിസ്: ലോകകപ്പ് ഫുട്ബോൾ 2026-നുള്ള അർജന്റീന ടീമിനെ പരിശീലകൻ ലയണൽ സ്കലോനി പ്രഖ്യാപിച്ചു. നിലവിലെ ലോക ചാമ്പ്യൻമാരായ അർജന്റീനയെ ഇത്തവണയും നായകൻ ലയണൽ മെസിയാണ് നയിക്കുന്നത്. മെസിയുടെ കരിയറിലെ ആറാമത്തെ ലോകകപ്പാണിത്.
2022-ലെ ഖത്തർ ലോകകപ്പിൽ ഫ്രാൻസിനെ ഷൂട്ടൗട്ടിൽ തോൽപ്പിച്ചാണ് അർജന്റീന മൂന്നാം ലോകകിരീടം സ്വന്തമാക്കിയത്. അന്ന് ടൂർണമെന്റിലെ മികച്ച താരത്തിനുള്ള ഗോൾഡൻ ബോൾ പുരസ്കാരം മെസി നേടിയിരുന്നു. ഗോൾഡൻ ഗ്ലൗസ് പുരസ്കാരം ഗോൾകീപ്പർ എമിലിയാനോ മാർട്ടിനെസിനും ലഭിച്ചു.
ഇതുവരെ 26 ലോകകപ്പ് മത്സരങ്ങളിൽ കളിച്ച മെസി, ലോകകപ്പിൽ ഏറ്റവും കൂടുതൽ മത്സരങ്ങൾ കളിച്ച താരമെന്ന റെക്കോർഡും സ്വന്തമാക്കിയിട്ടുണ്ട്. ടൂർണമെന്റ് പുരോഗമിക്കുമ്പോൾ മെസിക്ക് 39 വയസ് തികയും.
ഗോൾകീപ്പർ സ്ഥാനത്ത് എമിലിയാനോ മാർട്ടിനെസ് തന്നെയാണ് പ്രധാന പ്രതീക്ഷ. പ്രതിരോധനിരയിൽ ക്രിസ്റ്റ്യൻ റൊമേറോ, ലിസാൻഡ്രോ മാർട്ടിനെസ്, നിക്കോളാസ് ഒട്ടമെൻഡി എന്നിവരും മധ്യനിരയിൽ എൻസോ ഫെർണാണ്ടസ്, അലക്സിസ് മാക് അലിസ്റ്റർ, റോഡ്രിഗോ ഡി പോൾ എന്നിവരും ഇടംപിടിച്ചിട്ടുണ്ട്.
മുന്നേറ്റനിരയിൽ മെസിക്കൊപ്പം ഹൂലിയൻ അൽവാരസ്, ലൗത്താരോ മാർട്ടിനെസ്, നിക്കോളാസ് ഗോൺസാലസ് എന്നിവരും ഉണ്ടാകും. കഴിഞ്ഞ ലോകകപ്പ് കിരീടം നേടിയ ടീമിലെ 17 താരങ്ങൾ ഇത്തവണയും സ്ക്വാഡിലുണ്ട്.
More Read
ഗ്രൂപ്പ് ജെയിലാണ് അർജന്റീനയുടെ സ്ഥാനം. ജൂൺ 17-ന് അൾജീരിയക്കെതിരെയാണ് ആദ്യ മത്സരം. തുടർന്ന് ജൂൺ 22-ന് ഓസ്ട്രിയയെയും ജൂൺ 28-ന് ജോർദാനെയും അർജന്റീന നേരിടും.
കിരീടം നിലനിർത്തുകയെന്ന ലക്ഷ്യത്തോടെയാണ് മെസിയും സംഘവും ലോകകപ്പിനിറങ്ങുന്നത്.
English Summary:
More Read
Defending champions Argentina have announced their squad for the 2026 FIFA World Cup, with Lionel Messi set to captain the team in his sixth World Cup appearance. Coach Lionel Scaloni has retained 17 players from the 2022 title-winning squad, including Emiliano Martínez, Enzo Fernández, and Julián Álvarez. Argentina will begin their campaign in Group J against Algeria on June 17.
