അമൽ നീരദ് സംവിധാനം ചെയ്യുന്ന ‘ബാച്ചർ പാർട്ടി Deux’ നവംബർ 19ന് തിയറ്ററുകളിലെത്തും. നടൻ കൃഷ്ണകുമാറിന്റെ മകളും സോഷ്യൽ മീഡിയ താരവുമായ ഹൻസിക കൃഷ്ണയാണ് ചിത്രത്തിലൂടെ ബിഗ് സ്ക്രീനിൽ അരങ്ങേറ്റം കുറിക്കുന്നത്.
ചിത്രത്തിലെ ഹൻസികയുടെ കാരക്ടർ പോസ്റ്ററിനും നേരത്തെ മികച്ച പ്രതികരണം ലഭിച്ചിരുന്നു.ഇന്നലെ നടന്ന ചിത്രത്തിന്റെ പ്രീ റിലീസ് ഇവന്റിലും ഹൻസിക ശ്രദ്ധേയയായി.
ആദ്യ സിനിമയുടെ ഭാഗമാകുന്നതിലുള്ള ആവേശവും ചിത്രത്തിൽ അവസരം നൽകിയ അമൽ നീരദിനോടും ജ്യോതിർമയിയോടുമുള്ള നന്ദിയും ഹൻസിക വേദിയിൽ പങ്കുവച്ചു.
‘ആദ്യ സിനിമ, ഭയങ്കര ആവേശത്തിലാണ്’
“എല്ലാവർക്കും നമസ്‌കാരം. ഞാൻ ഹൻസിക കൃഷ്ണ. ഇതെന്റെ ആദ്യത്തെ സിനിമയാണ്, ഞാൻ ഭയങ്കര ആവേശത്തിലാണ്.
അമൽ നീരദ് സാറിനോടും ജ്യോതിർമയി മാമിനോടും വലിയൊരു നന്ദി പറയുന്നു. എനിക്ക് ഇങ്ങനെയൊരു അവസരം തന്നതിന്. ഇത്രയും നല്ലൊരു സൂപ്പർ കാസ്റ്റിനൊപ്പം അഭിനയിക്കാൻ പറ്റിയതിൽ ഞാൻ നന്ദിയുള്ളവളാണ്,” ഹൻസിക പറഞ്ഞു.
More Read
ചിത്രം ഒരു ആക്ഷൻ എന്റർടെയ്‌നറാണെന്നും എല്ലാവർക്കും ആസ്വദിക്കാൻ കഴിയുന്ന സിനിമയാണെന്നും ഹൻസിക വ്യക്തമാക്കി. എല്ലാവരും തിയറ്ററിൽ പോയി തന്നെ സിനിമ കാണണമെന്നും താരം ആവശ്യപ്പെട്ടു.
കരോളായി ഹൻസിക
ചിത്രത്തിൽ കരോൾ എന്ന കഥാപാത്രത്തെയാണ് ഹൻസിക കൃഷ്ണ അവതരിപ്പിക്കുന്നത്. പക്കാ സ്റ്റൈലിഷ് ഗെറ്റപ്പിലാകും ഹൻസിക ചിത്രത്തിലെത്തുകയെന്നാണ് പുറത്തുവരുന്ന വിവരം.
നസ്‌ലിൻ, കുഞ്ചാക്കോ ബോബൻ, സൗബിൻ ഷാഹിർ, ഷറഫുദ്ദീൻ, ശ്രീനാഥ് ഭാസി, ചന്തു സലിംകുമാർ, ടൊവിനോ തോമസ്, ഷൈൻ ടോം ചാക്കോ, പാരിസ് ലക്ഷ്‌മി, നാദിയ മൊയ്തു, രജിഷ വിജയൻ, ജ്യോതിർമയി തുടങ്ങി വൻ താരനിരയാണ് ചിത്രത്തിലുള്ളത്.
More Read
നവംബർ 19ന് തിയറ്ററുകളിൽ
അമൽ നീരദ് സംവിധാനം ചെയ്യുന്ന ചിത്രത്തിന്റെ റിലീസിനായുള്ള കാത്തിരിപ്പിലാണ് പ്രേക്ഷകർ. ഹൻസിക കൃഷ്ണയുടെ സിനിമാ അരങ്ങേറ്റവും ചിത്രത്തിലെ താരനിരയും ശ്രദ്ധ നേടുന്നതിനിടെ ‘ബാച്ചർ പാർട്ടി Deux’ നവംബർ 19ന് തിയറ്ററുകളിലെത്തും.
English Summary : Hansika Krishna is set to make her big-screen debut with Amal Neerad’s ‘Bachelor Party Deux’, which will release in theatres on November 19. Speaking at the film’s pre-release event, Hansika expressed her excitement about her first film and thanked Amal Neerad and Jyothirmayi for the opportunity. She plays the character Carol in the action entertainer, which features a large ensemble cast.
