ഇടുക്കി: ശക്തമായ മഴയ്ക്കും കാറ്റിനുമിടെ ഇടുക്കിയിൽ മരം കടപുഴകി വീണ് രണ്ട് സ്ത്രീ തൊഴിലാളികൾ മരിച്ചു. മാങ്കുളം സിങ്ക്കുടി ഉന്നതിയിലെ സില്ലിയമ്മ, വീരലക്ഷ്മി എന്നിവരാണ് മരിച്ചത്. ഏലത്തോട്ടത്തിൽ ജോലി ചെയ്തുകൊണ്ടിരിക്കെയാണ് ഇരുവരും അപകടത്തിൽപ്പെട്ടത്.
കനത്ത മഴയ്‌ക്കൊപ്പം വീശിയടിച്ച ശക്തമായ കാറ്റിൽ മരം കടപുഴകി തൊഴിലാളികളുടെ മേൽ പതിക്കുകയായിരുന്നു. അപകടത്തിൽ ഗുരുതരമായി പരിക്കേറ്റ ഇരുവരും മരിച്ചതായാണ് റിപ്പോർട്ട്. മൃതദേഹങ്ങൾ അടിമാലി താലൂക്ക് ആശുപത്രിയിലേക്ക് മാറ്റി.
ഇടുക്കിയിൽ മഴയും കാറ്റും ശക്തം
കേന്ദ്ര കാലാവസ്ഥാ വകുപ്പ് ഓറഞ്ച് അലർട്ട് പ്രഖ്യാപിച്ച ഇടുക്കി ജില്ലയിൽ ശക്തമായ മഴയും കാറ്റും തുടരുകയാണ്. പ്രതികൂല കാലാവസ്ഥയ്ക്കിടെയാണ് ദാരുണമായ അപകടം സംഭവിച്ചത്.
തോട്ടം മേഖലകളിൽ ജാഗ്രത വേണം
More Read
ശക്തമായ കാറ്റിൽ മരങ്ങൾ കടപുഴകി വീഴാൻ സാധ്യതയുള്ളതിനാൽ തോട്ടം മേഖലകളിലും മരങ്ങൾക്കു സമീപവും ജോലി ചെയ്യുന്നവർ പ്രത്യേക ജാഗ്രത പാലിക്കണം. അപകടസാധ്യതയുള്ള പ്രദേശങ്ങളിൽ കഴിയുന്നവർ കാലാവസ്ഥാ വകുപ്പിന്റെയും അധികൃതരുടെയും നിർദേശങ്ങൾ ശ്രദ്ധിക്കണമെന്നും മുന്നറിയിപ്പുണ്ട്.
English Summary: Two women plantation workers, Silliyamma and Veeralakshmi, died after a tree fell on them during heavy rain and strong winds in Mankulam, Idukki. Their bodies were taken to Adimali Taluk Hospital.
