ഛണ്ഡിഗഡ്: ബലാത്സംഗക്കേസ് പിൻവലിക്കാൻ 70 ലക്ഷം രൂപ ആവശ്യപ്പെട്ടെന്ന പരാതിയിൽ ഹരിയാനയിൽ യുവതി അറസ്റ്റിൽ. ഹിസാർ രാംപുര മൊഹല്ല സ്വദേശിനിയെയാണ് പൊലീസ് അറസ്റ്റ് ചെയ്തത്. കോടതിയിൽ ഹാജരാക്കിയ പ്രതിയെ 14 ദിവസത്തേക്ക് ജുഡീഷ്യൽ കസ്റ്റഡിയിൽ വിട്ടു.
ബലാത്സംഗക്കേസ് പിൻവലിക്കാൻ 70 ലക്ഷം ആവശ്യപ്പെട്ടെന്ന് പരാതി
പരാതിക്കാരനായ യുവാവിനെതിരെ യുവതി നേരത്തെ സിവിൽ ലൈൻസ് പൊലീസ് സ്റ്റേഷനിൽ ബലാത്സംഗക്കേസ് നൽകിയിരുന്നു. ഈ കേസ് പിൻവലിക്കണമെങ്കിൽ 70 ലക്ഷം രൂപ നൽകണമെന്ന് യുവതി ആവശ്യപ്പെട്ടതായാണ് യുവാവിന്റെ പരാതി.
അതേസമയം, പണം നൽകാൻ തയ്യാറായില്ലെങ്കിൽ കൂടുതൽ നിയമനടപടികളുമായി മുന്നോട്ട് പോകുമെന്ന് യുവതി ഭീഷണിപ്പെടുത്തിയതായും യുവാവ് പൊലീസിനെ അറിയിച്ചു.
ബ്ലാക്ക്‌മെയിലിങ് ആരോപണത്തിൽ പ്രത്യേക കേസ്
യുവാവിന്റെ പരാതിയുടെ അടിസ്ഥാനത്തിൽ ബ്ലാക്ക്‌മെയിലിങ്ങിലൂടെയും ഭീഷണിയിലൂടെയും പണം തട്ടാൻ ശ്രമിച്ചെന്നാരോപിച്ച് പൊലീസ് പ്രത്യേക കേസ് രജിസ്റ്റർ ചെയ്തു.
തുടർന്ന് നടത്തിയ അന്വേഷണത്തിൽ പരാതിക്കാരനെ യുവതി നിരന്തരം ബ്ലാക്ക്‌മെയിൽ ചെയ്തതിന്റെ തെളിവുകൾ ലഭിച്ചതായി പൊലീസ് വ്യക്തമാക്കി.
14 ദിവസത്തേക്ക് ജുഡീഷ്യൽ കസ്റ്റഡി
കേസുമായി ബന്ധപ്പെട്ട ആവശ്യമായ തെളിവുകൾ ശേഖരിച്ച ശേഷമാണ് യുവതിയെ അറസ്റ്റ് ചെയ്തതെന്ന് പൊലീസ് അറിയിച്ചു.
തുടർന്ന് കോടതിയിൽ ഹാജരാക്കിയ പ്രതിയെ 14 ദിവസത്തേക്ക് ജുഡീഷ്യൽ കസ്റ്റഡിയിൽ റിമാൻഡ് ചെയ്തു. സംഭവത്തിൽ പൊലീസ് അന്വേഷണം തുടരുകയാണ്.
English Summary
A woman from Hisar in Haryana was arrested following a complaint that she allegedly demanded ₹70 lakh to withdraw a rape case filed against a man. Police registered a separate case alleging blackmail and threats. The woman was produced before a court and remanded to 14 days of judicial custody. Investigation is continuing.
