വാഷിംഗ്ടൺ: ലോകത്തെ നടുക്കിയ 9/11 ആക്രമണത്തിന് 25 വർഷം തികയുമ്പോൾ കൊല്ലപ്പെട്ടവരെ അനുസ്മരിച്ച് അമേരിക്ക. ആക്രമണത്തിൽ ജീവൻ നഷ്ടപ്പെട്ടവരെ രാജ്യം ഒരിക്കലും മറക്കില്ലെന്ന് യു.എസ് പ്രസിഡന്റ് ഡൊണാൾഡ് ട്രംപ് പറഞ്ഞു.
ഭീകരതയ്ക്കെതിരായ പോരാട്ടം അമേരിക്ക ഇന്നും തുടരുന്നത് ആക്രമണത്തിൽ കൊല്ലപ്പെട്ടവർക്കുവേണ്ടിയാണെന്നും ട്രംപ് വ്യക്തമാക്കി.
9/11 ആക്രമണം; പെന്റഗണിൽ ട്രംപിന്റെ അനുസ്മരണം
വിർജീനിയയിലെ 9/11 പെന്റഗൺ സ്മാരകത്തിൽ നടന്ന ചടങ്ങിലാണ് ട്രംപ് സംസാരിച്ചത്. മുൻ വർഷത്തെപ്പോലെ ഇത്തവണയും ന്യൂയോർക്ക് സിറ്റിയിൽ നടന്ന അനുസ്മരണ ചടങ്ങിൽ ട്രംപ് പങ്കെടുത്തില്ല.
അതേസമയം, വൈസ് പ്രസിഡന്റ് ജെ.ഡി. വാൻസും മുൻ പ്രസിഡന്റ് ജോ ബൈഡൻ ഉൾപ്പെടെയുള്ള മുൻ പ്രസിഡന്റുമാരും ന്യൂയോർക്ക് സിറ്റിയിലെ ചടങ്ങിൽ പങ്കെടുത്തു.
2001 സെപ്റ്റംബർ 11ന് അമേരിക്കയെ നടുക്കിയ ആക്രമണം
2001 സെപ്റ്റംബർ 11നാണ് റാഞ്ചിയെടുത്ത യാത്രാവിമാനങ്ങളുമായി അൽ ക്വഇദ ഭീകരർ അമേരിക്കയിൽ ആക്രമണം നടത്തിയത്.
More Read
ന്യൂയോർക്ക് സിറ്റിയിലെ വേൾഡ് ട്രേഡ് സെന്ററിന്റെ ഇരട്ട ഗോപുരങ്ങളിലേക്ക് രണ്ട് വിമാനങ്ങൾ ഇടിച്ചുകയറി. മൂന്നാമത്തെ വിമാനം യു.എസ് പ്രതിരോധ ആസ്ഥാനമായ പെന്റഗണിലും ഇടിച്ചു.
2,977 പേർ കൊല്ലപ്പെട്ടു
നാലാമത്തെ വിമാനം പെൻസിൽവേനിയയിൽ തകർന്നുവീണു. 9/11 ആക്രമണത്തിൽ 2,977 പേരാണ് കൊല്ലപ്പെട്ടത്. വിമാനങ്ങളിലുണ്ടായിരുന്ന 19 ഭീകരരും ആക്രമണത്തിൽ മരിച്ചു.
ആക്രമണം നടന്ന് 25 വർഷം പിന്നിടുമ്പോഴും ഇരകളുടെ മൃതദേഹങ്ങൾ തിരിച്ചറിയുന്ന നടപടികൾ പൂർണമായിട്ടില്ല. ഇതുവരെ 1,878 പേരുടെ മൃതദേഹങ്ങളാണ് തിരിച്ചറിഞ്ഞിട്ടുള്ളത്.
English Summary:
The United States commemorated the 25th anniversary of the September 11, 2001 terrorist attacks. President Donald Trump said America will never forget those killed and continues its fight against terrorism in their memory. The attacks killed 2,977 people, while 19 hijackers also died.
