മുംബൈ: ടി20 ക്രിക്കറ്റിൽ ബാറ്റർമാരും ബൗളർമാരും തമ്മിലുള്ള സന്തുലനം വീണ്ടെടുക്കാൻ മൂന്ന് സുപ്രധാന നിർദേശങ്ങളുമായി ഇന്ത്യൻ ക്രിക്കറ്റ് ഇതിഹാസം സച്ചിൻ ടെണ്ടുൽക്കർ. ഈ സീസണിലെ ഐപിഎല്ലിൽ റൺവേട്ട കുത്തനെ ഉയർന്ന പശ്ചാത്തലത്തിലാണ് ക്രിക്കറ്റിന്റെ ഭാവിയെ ബാധിക്കാവുന്ന നിർദേശങ്ങൾ അദ്ദേഹം മുന്നോട്ടുവെച്ചത്.
റോയൽ ചലഞ്ചേഴ്സ് ബംഗളൂരും ഗുജറാത്ത് ടൈറ്റൻസും തമ്മിലുള്ള ഐപിഎൽ ഫൈനലിന് മുന്നോടിയായി നടന്ന ചടങ്ങിലാണ് സച്ചിൻ തന്റെ അഭിപ്രായങ്ങൾ പങ്കുവെച്ചത്.
ഇംപാക്റ്റ് പ്ലെയർ നിയമം ഒഴിവാക്കണം
ബൗളർമാരെ കൂടുതൽ സമ്മർദ്ദത്തിലാക്കുന്ന ‘ഇംപാക്റ്റ് പ്ലെയർ’ നിയമം പൂർണമായും ഒഴിവാക്കണമെന്നാണ് സച്ചിന്റെ ആദ്യ നിർദേശം. ടി20 മത്സരത്തിൽ വെറും 20 ഓവറുകൾ മാത്രമുള്ളപ്പോൾ അധിക ബാറ്ററെ ഉൾപ്പെടുത്തുന്നത് കളിയുടെ സന്തുലനം തകർക്കുന്നുവെന്ന് അദ്ദേഹം അഭിപ്രായപ്പെട്ടു.
പവർപ്ലേ രണ്ട് ഘട്ടമാക്കണം
More Read
നിലവിലെ ആറോവർ പവർപ്ലേ സംവിധാനം പരിഷ്കരിക്കണമെന്നും സച്ചിൻ നിർദേശിച്ചു. ആദ്യ നാല് ഓവർ സാധാരണ പവർപ്ലേയായി തുടരുകയും ശേഷിക്കുന്ന രണ്ട് ഓവർ എപ്പോൾ വേണമെങ്കിലും ഉപയോഗിക്കാനുള്ള അവകാശം ഫീൽഡിംഗ് ടീമിന് നൽകുകയും വേണമെന്നാണ് അഭിപ്രായം. ഇത് ബൗളിംഗ് ടീമിന് കൂടുതൽ തന്ത്രപരമായ അവസരങ്ങൾ നൽകുമെന്ന് അദ്ദേഹം പറഞ്ഞു.
മികച്ച ബൗളർക്ക് അഞ്ച് ഓവർ അനുവദിക്കണം
നിലവിൽ ഒരു ബൗളർക്ക് പരമാവധി നാല് ഓവർ മാത്രമാണ് എറിയാൻ കഴിയുക. ഇത് അഞ്ച് ഓവറായി ഉയർത്തണമെന്ന് സച്ചിൻ നിർദേശിച്ചു. മികച്ച ബാറ്റർമാർക്ക് 20 ഓവർ മുഴുവൻ ബാറ്റ് ചെയ്യാൻ കഴിയുമ്പോൾ മികച്ച ബൗളർക്ക് ഒരു അധിക ഓവർ നൽകുന്നതിൽ തെറ്റില്ലെന്നും അദ്ദേഹം ചൂണ്ടിക്കാട്ടി.
More Read
ഐപിഎല്ലിൽ 200-ലേറെ റൺസ് പോലും സുരക്ഷിതമല്ലാത്ത സാഹചര്യത്തിൽ സച്ചിന്റെ നിർദേശങ്ങൾ ക്രിക്കറ്റ് ലോകത്ത് വലിയ ചർച്ചകൾക്ക് വഴിവെച്ചിരിക്കുകയാണ്.
English Summary:
Cricket legend Sachin Tendulkar has proposed three major changes to T20 cricket to restore balance between bat and ball. He suggested scrapping the Impact Player rule, splitting the six-over powerplay into two phases with a bowling powerplay option, and allowing a bowler to bowl up to five overs instead of four. The proposals come amid rising scoring rates in modern T20 cricket.
