കൂത്തുപറമ്പ്: കണ്ണൂർ കൂത്തുപറമ്പിൽ 27കാരിയായ യുവതി ഭർതൃവീട്ടിലെ കിണറ്റിൽ ചാടി ജീവനൊടുക്കിയ സംഭവത്തിൽ ഭർത്താവിനും ഭർതൃമാതാവിനും സഹോദരിക്കുമെതിരെ പൊലീസ് കേസെടുത്തു.
സ്ത്രീധനത്തിന്റെ പേരിൽ കൂടുതൽ പണവും സ്വർണവും ആവശ്യപ്പെട്ട് ജ്യോതിഷയെ പീഡിപ്പിച്ചെന്ന ബന്ധുക്കളുടെ പരാതിയിലാണ് നടപടി.
കൂത്തുപറമ്പിൽ യുവതിയുടെ ആത്മഹത്യ: മൂന്നുപേർ പ്രതികൾ
മാങ്ങാട്ടിടം സ്വദേശിയായ ജ്യോതിഷയുടെ ഭർത്താവ് പാതിരിയാട് സ്വദേശി സജിൽ, അമ്മ ചന്ദ്രി, സഹോദരി ജൂന എന്നിവർക്കെതിരെയാണ് കേസ് രജിസ്റ്റർ ചെയ്തത്. കോടതി നിർദേശപ്രകാരം പിണറായി പൊലീസാണ് മൂന്നുപേർക്കുമെതിരെ കേസെടുത്തത്.
2022 നവംബർ 20നായിരുന്നു ജ്യോതിഷയും സജിലും തമ്മിലുള്ള വിവാഹം. വിവാഹസമയത്ത് 12 പവൻ സ്വർണവും പണവും സ്ത്രീധനമായി നൽകിയിരുന്നതായി ജ്യോതിഷയുടെ ബന്ധുക്കൾ പറയുന്നു.
കൂത്തുപറമ്പിൽ യുവതിയുടെ ആത്മഹത്യ: സ്ത്രീധന പീഡന പരാതി
വിവാഹശേഷം കൂടുതൽ സ്വർണവും പണവും ആവശ്യപ്പെട്ട് സജിലും അമ്മ ചന്ദ്രിയും സഹോദരി ജൂനയും ജ്യോതിഷയെ ഭീഷണിപ്പെടുത്തുകയും മാനസികമായി പീഡിപ്പിക്കുകയും ചെയ്തിരുന്നതായാണ് ബന്ധുക്കളുടെ പരാതി.
More Read
അതേസമയം, വിവാഹസമയത്ത് ജ്യോതിഷയ്ക്ക് ലഭിച്ച താലിമാല ഒഴികെയുള്ള മുഴുവൻ സ്വർണവും ഭർതൃവീട്ടുകാർ വിറ്റതായും ബന്ധുക്കൾ ആരോപിച്ചു.
കൂത്തുപറമ്പിൽ യുവതിയുടെ ആത്മഹത്യ: മാർച്ച് എട്ടിന് മരണം
കഴിഞ്ഞ മാർച്ച് എട്ടിന് പുലർച്ചെയാണ് ജ്യോതിഷ ഭർതൃവീട്ടിലെ കിണറ്റിൽ ചാടി ജീവനൊടുക്കിയത്. മരണസമയത്ത് എട്ടര മാസം പ്രായമുള്ള കുഞ്ഞും ജ്യോതിഷയ്ക്കുണ്ടായിരുന്നു.
സ്ത്രീധന പീഡനമാണ് ജ്യോതിഷയുടെ ആത്മഹത്യയ്ക്ക് കാരണമെന്നായിരുന്നു ബന്ധുക്കളുടെ ആരോപണം. സംഭവത്തിൽ പൊലീസ് ആദ്യം കേസെടുക്കാൻ തയ്യാറായില്ലെന്നും ബന്ധുക്കൾ ആരോപിച്ചു.
More Read
കോടതി നിർദേശത്തിന് പിന്നാലെ പൊലീസ് നടപടി
പൊലീസ് കേസെടുക്കാത്തതിനെ തുടർന്ന് ജ്യോതിഷയുടെ ബന്ധുക്കൾ കോടതിയെ സമീപിക്കുകയായിരുന്നു. തുടർന്ന് കോടതി നൽകിയ നിർദേശത്തിന്റെ അടിസ്ഥാനത്തിലാണ് പിണറായി പൊലീസ് ഇപ്പോൾ ഭർത്താവിനും ഭർതൃമാതാവിനും സഹോദരിക്കുമെതിരെ കേസ് രജിസ്റ്റർ ചെയ്തത്.
English Summary:
Police have registered a case against a 27-year-old woman’s husband, mother-in-law and sister-in-law following her death by suicide at her husband’s home in Koothuparamba, Kannur. The case was registered on a court directive based on relatives’ allegations of dowry harassment.
