കൊച്ചി: കേരള വഖഫ് ബോർഡിൽ രണ്ട് മുസ്ലീം ഇതര അംഗങ്ങളെ ഉൾപ്പെടുത്താത്തതിനെതിരെ സമർപ്പിച്ച ഹർജിയിൽ സംസ്ഥാന സർക്കാരിന്റെയും ബന്ധപ്പെട്ട കക്ഷികളുടെയും വിശദീകരണം തേടി ഹൈക്കോടതി. ബി.ജെ.പി സംസ്ഥാന വൈസ് പ്രസിഡന്റ് ഷോൺ ജോർജ് നൽകിയ ഹർജിയാണ് കോടതി പരിഗണിച്ചത്.
ചീഫ് ജസ്റ്റിസ് സൗമെൻ സെൻ, ജസ്റ്റിസ് വി.എം. ശ്യാംകുമാർ എന്നിവരടങ്ങിയ ഡിവിഷൻ ബെഞ്ചാണ് ഹർജിയിൽ പ്രാഥമിക വാദം കേട്ടത്. വിഷയത്തിൽ സർക്കാരിനും മറ്റ് പ്രതിഭാഗങ്ങൾക്കും കോടതി നോട്ടീസ് അയച്ചു.
കഴിഞ്ഞ വർഷം നടപ്പാക്കിയ വഖഫ് നിയമഭേദഗതി പ്രകാരം വഖഫ് ബോർഡിൽ രണ്ട് മുസ്ലീം ഇതര അംഗങ്ങളെ ഉൾപ്പെടുത്തണമെന്ന് വ്യവസ്ഥ ചെയ്തിട്ടുണ്ടെന്ന് ഹർജിക്കാരൻ ചൂണ്ടിക്കാട്ടി. എന്നാൽ ഈ വ്യവസ്ഥ പാലിക്കാതെയാണ് മുൻ സർക്കാർ വഖഫ് ബോർഡ് പുനഃസംഘടിപ്പിച്ചതെന്നാണ് ഹർജിയിലെ പ്രധാന ആരോപണം.
നിയമപ്രകാരം ആവശ്യമായ അംഗങ്ങളെ നാമനിർദേശം ചെയ്യാൻ സർക്കാരിന് നിർദേശം നൽകണമെന്നും അതുവരെ നിലവിലെ വഖഫ് ബോർഡിന്റെ പ്രവർത്തനം തടയണമെന്നും ഹർജിയിൽ ആവശ്യപ്പെട്ടിട്ടുണ്ട്.
ഹർജിയിൽ വിശദമായ മറുപടി ലഭിച്ച ശേഷം വിഷയം വീണ്ടും പരിഗണിക്കുമെന്ന് കോടതി അറിയിച്ചു. കേസ് രണ്ടാഴ്ചയ്ക്ക് ശേഷം വീണ്ടും പരിഗണിക്കുന്നതിനായി മാറ്റിവച്ചു.
More Read
English Summary:
The Kerala High Court has sought explanations from the state government and other respondents on a petition challenging the absence of two non-Muslim members in the Kerala Waqf Board. The petition argues that the board was reconstituted without complying with provisions introduced through a recent amendment to the Waqf Act. The matter will be considered again after two weeks.
