തിരുവനന്തപുരം: മോട്ടോർ വാഹന നിയമലംഘനങ്ങൾക്ക് ചുമത്തിയ ഇ-ചലാൻ പിഴയിൽ 50 ശതമാനം ഇളവ് അനുവദിക്കുന്ന ആംനസ്റ്റി പദ്ധതിയുടെ കാലാവധി 2027 ജനുവരി 31ന് അവസാനിക്കും. 2026 മാർച്ച് 31 വരെയുള്ള ഗതാഗത നിയമലംഘനങ്ങൾക്ക് ചുമത്തിയ പിഴകൾ പകുതി തുക അടച്ച് തീർപ്പാക്കാനാണ് പദ്ധതിയിലൂടെ അവസരം ലഭിക്കുന്നത്.
മോട്ടോർ വാഹന വകുപ്പും പൊലീസും ചുമത്തിയ ഇ-ചലാൻ പിഴകൾക്ക് ഈ ആനുകൂല്യം ലഭിക്കും. പിഴ അടയ്ക്കാനുള്ള അവസരം പ്രയോജനപ്പെടുത്തി പഴയ കേസുകൾ തീർപ്പാക്കാമെന്ന് മോട്ടോർ വാഹന വകുപ്പ് അറിയിച്ചു.
ഏതെല്ലാം പിഴകൾക്ക് ഇളവ് ലഭിക്കും?
കോടതി നടപടികളിലേക്ക് നീങ്ങാത്തതും മോട്ടോർ വാഹന നിയമത്തിലെ നിർദിഷ്ട വകുപ്പുകൾ പ്രകാരം രജിസ്റ്റർ ചെയ്തതുമായ കേസുകൾക്കാണ് ഇളവ് ലഭിക്കുക. എല്ലാ ഇ-ചലാൻ കേസുകൾക്കും ആനുകൂല്യം ലഭിക്കുമെന്ന് ഉറപ്പില്ലാത്തതിനാൽ വാഹന ഉടമകൾ തങ്ങളുടെ പിഴയുടെ വിവരങ്ങൾ പരിശോധിക്കണം.
2026 മാർച്ച് 31ന് ശേഷം ലഭിക്കുന്ന ചെലാനുകളിലെ പിഴകൾ കൃത്യസമയത്ത് ഈടാക്കാൻ കർശന നടപടി സ്വീകരിക്കുമെന്നും വകുപ്പ് വ്യക്തമാക്കിയിട്ടുണ്ട്.
ഇ-ചലാൻ പിഴ അടയ്ക്കേണ്ടത് എങ്ങനെ?
പിഴയുടെ വിവരങ്ങൾ പരിശോധിക്കാനും ഇളവ് ലഭ്യമാണെങ്കിൽ തുക അടച്ച് കേസ് തീർപ്പാക്കാനും മോട്ടോർ വാഹന വകുപ്പിന്റെ പോർട്ടൽ സന്ദർശിക്കാം.
പോർട്ടൽ: https://services.mvd.kerala.gov.in
More Read
പ്രധാന വിവരങ്ങൾ
– പദ്ധതി: ഇ-ചലാൻ ആംനസ്റ്റി
– ഇളവ്: പിഴത്തുകയിൽ 50 ശതമാനം
– പിഴകൾ ബാധകമായ കാലയളവ്: 2026 മാർച്ച് 31 വരെ
– ആനുകൂല്യം ലഭിക്കുന്നവ: മോട്ടോർ വാഹന വകുപ്പും പൊലീസും ചുമത്തിയ ഇ-ചലാൻ പിഴകൾ
– നിബന്ധന: കോടതി നടപടികളിലേക്ക് നീങ്ങാത്തതും നിർദിഷ്ട വകുപ്പുകൾ പ്രകാരം രജിസ്റ്റർ ചെയ്തതുമായ കേസുകൾ
More Read
– അവസാന തീയതി: 2027 ജനുവരി 31
– പോർട്ടൽ: https://services.mvd.kerala.gov.in
English Summary: Kerala’s e-Challan Amnesty Scheme offers a 50% reduction in eligible traffic fines imposed up to March 31, 2026. The benefit applies to eligible challans issued by the Motor Vehicles Department and police, provided the cases have not proceeded to court. The scheme ends on January 31, 2027
