മുംബൈ: ടെലിവിഷൻ താരം അനുജ് താക്കൂർ (33) അന്തരിച്ചു. ഉറക്കത്തിനിടെ ഉണ്ടായ അപസ്മാരമാണ് മരണകാരണമെന്നാണ് വിവരം.
‘ധൂം മച്ചാവോ ധൂം’, ‘ബന്ധൻ സാഥ് ജൻമോൻ കാ’, ‘ബീന്ദ് ബനൂഗാ ഘോഡി ചഡൂംഗ’ തുടങ്ങിയ പരിപാടികളിലൂടെ ശ്രദ്ധ നേടിയ താരത്തിന്റെ വിയോഗവാർത്ത സുഹൃത്തും സഹപ്രവർത്തകനുമായ രൂപേഷ് സൊനാറാണ് സമൂഹമാധ്യമങ്ങളിലൂടെ അറിയിച്ചത്.
അനുജ് താക്കൂറിന്റെ വിയോഗവാർത്ത പങ്കുവെച്ച് സുഹൃത്ത്
രൂപേഷ് സൊനാർ ഇൻസ്റ്റഗ്രാമിൽ പങ്കുവെച്ച വൈകാരിക കുറിപ്പിലൂടെയാണ് അനുജിന്റെ മരണവിവരം പുറത്തുവന്നത്. അനുജ് തനിക്ക് സുഹൃത്ത് മാത്രമായിരുന്നില്ലെന്നും സഹോദരനെപ്പോലെയായിരുന്നെന്നും രൂപേഷ് കുറിച്ചു.
ഒരുമിച്ച് മുന്നോട്ടുള്ള നിരവധി പദ്ധതികൾ ആസൂത്രണം ചെയ്തിരുന്നതായും അനുജിന്റെ കരിയറിന്റെ തുടക്കകാലം മുതൽ അദ്ദേഹത്തിന്റെ പരിശ്രമങ്ങളും യാത്രയും അടുത്തുനിന്ന് കണ്ടതായും രൂപേഷ് ഓർമിച്ചു.
‘നീ എന്നും എന്റെ ഓർമകളിലുണ്ടാകും’
“നീ ഞങ്ങൾക്കൊപ്പം ഇനി ഇല്ലെന്ന് വിശ്വസിക്കാനാകുന്നില്ല. നീ എനിക്ക് ഒരു സുഹൃത്ത് മാത്രമായിരുന്നില്ല, സഹോദരനായിരുന്നു. നമ്മൾ മുന്നോട്ടുള്ള ഒരുപാട് പദ്ധതികൾ ആസൂത്രണം ചെയ്തിരുന്നു.
More Read
നിന്റെ തുടക്കകാലവും പരിശ്രമങ്ങളും ഈ യാത്രയിലെ ഓരോ ഘട്ടവും ഞാൻ നേരിൽ കണ്ടതാണ്.ജീവിതം തീർത്തും അപ്രതീക്ഷിതമാണ്.
നീ ഇത്ര വേഗം ഈ ഭൂമിയിൽനിന്ന് പോയി എന്നത് ഉൾക്കൊള്ളാനാകുന്നില്ല. നീ എന്നും എന്റെ ഓർമകളിൽ ഉണ്ടാകും സഹോദരാ”, എന്നായിരുന്നു രൂപേഷിന്റെ കുറിപ്പ്.
പത്ത് ദിവസം മുൻപ് അവസാനമായി കണ്ടു
മരണത്തിന് പത്ത് ദിവസം മുൻപാണ് അനുജിനെ അവസാനമായി കണ്ടതെന്നും രൂപേഷ് സൊനാർ കുറിപ്പിൽ വ്യക്തമാക്കിയിട്ടുണ്ട്.
More Read
അനുജിന്റെ അപ്രതീക്ഷിത വിയോഗത്തിൽ ദുഃഖം പങ്കുവെച്ചുകൊണ്ടായിരുന്നു അദ്ദേഹത്തിന്റെ പ്രതികരണം.
English Summary : Television actor Anuj Thakur, 33, has passed away. The cause of death is reportedly an epileptic seizure during sleep. His friend and colleague Rupesh Sonar shared the news through an emotional Instagram post, recalling their friendship and revealing that he had last met Anuj ten days ago.
