നമോ ഫോർ വികസിത് ഭാരത്: ബുക്ക് മൈ ഷോയിൽ വൻ ഹിറ്റ്

ന്യൂഡൽഹി: ഗുജറാത്തിൽ പ്രധാനമന്ത്രി നരേന്ദ്ര മോദി പങ്കെടുക്കുന്ന നമോ ഫോർ വികസിത് ഭാരത് പരിപാടിക്ക് ബുക്ക് മൈ ഷോ ആപ്പിൽ വൻ പ്രതികരണം. വഡോദര മഹാരാജ സയാജിറാവു യൂണിവേഴ്സിറ്റി (എം.എസ്.യു) പവലിയൻ ഗ്രൗണ്ടിൽ നടക്കുന്ന പരിപാടിയുടെ സൗജന്യ ടിക്കറ്റുകൾ ബുക്കിംഗ് ആരംഭിച്ച് ഒരു മണിക്കൂറിനുള്ളിൽ തന്നെ തീർന്നു.

ഏകദേശം 42,000 പേർ വെയിറ്റിംഗ് ലിസ്റ്റിലായതോടെ ആപ്പ് വഴിയുള്ള ബുക്കിംഗ് അവസാനിപ്പിച്ചു. അഞ്ചിനാണ് ടിക്കറ്റ് ബുക്കിംഗ് ആരംഭിച്ചത്. വിദ്യാർത്ഥികൾ ഉൾപ്പെടെ ഏകദേശം 6,000 പേർ രജിസ്റ്റർ ചെയ്തു.

നമോ ഫോർ വികസിത് ഭാരത്; ആദ്യമായി സ്വകാര്യ ആപ്പ് വഴി രജിസ്ട്രേഷൻ

പ്രധാനമന്ത്രിയുടെ ഇന്ത്യയിലെ ഒരു പരിപാടിയിൽ പങ്കെടുക്കാൻ സ്വകാര്യ ആപ്പ് വഴി രജിസ്റ്റർ ചെയ്യാനുള്ള അവസരം ആദ്യമായാണ് ഒരുക്കിയതെന്നാണ് റിപ്പോർട്ട്. രജിസ്ട്രേഷൻ പൂർത്തിയാക്കിയവർക്ക് ലഭിച്ച ക്യൂആർ കോഡ് ഉൾപ്പെട്ട ടിക്കറ്റ് കാണിച്ചാൽ മാത്രമാണ് പ്രവേശനം അനുവദിച്ചത്.

പ്രധാന വേദിയിൽ സീറ്റ് ലഭിക്കാത്തവർക്കായി ഫാൻ സോണുകളും ഒരുക്കിയിട്ടുണ്ട്. 35,000 കോടിയിലധികം രൂപയുടെ പദ്ധതികൾക്ക് തുടക്കമിടുന്ന ചടങ്ങാണ് വഡോദരയിൽ നടക്കുന്നത്.

മോദിയെ അടുത്തുകാണാൻ റാമ്പും

പ്രധാനമന്ത്രി നരേന്ദ്ര മോദിയെ അടുത്തുകാണാൻ കഴിയുന്ന തരത്തിൽ പരിപാടിയിൽ റാമ്പും ഒരുക്കിയിരുന്നു. അതേസമയം, യുവാക്കളെ സമൂഹമാധ്യമങ്ങളിലൂടെ ആകർഷിക്കുക എന്ന ലക്ഷ്യത്തോടെ 4കെ ക്യാമറകൾ ഉപയോഗിച്ചാണ് പരിപാടി ചിത്രീകരിച്ചത്.

ഫുട്ബോൾ, ക്രിക്കറ്റ് മത്സരങ്ങളുടെ മാതൃകയിൽ അന്താരാഷ്ട്ര നിലവാരത്തിലുള്ള ടെലിവിഷൻ സംപ്രേക്ഷണ സംവിധാനവും ഒരുക്കിയിരുന്നു.

പ്രൊഫഷണലുകൾക്കും വ്യവസായികൾക്കും ക്ഷണം

ബുക്ക് ചെയ്തവർക്ക് പുറമെ അഭിഭാഷകർ, ഡോക്ടർമാർ, ചാർട്ടേഡ് അക്കൗണ്ടന്റുമാർ, അധ്യാപകർ തുടങ്ങിയ പ്രൊഫഷണലുകളെയും വ്യവസായികളെയും പരിപാടിയിലേക്ക് ക്ഷണിച്ചു.

വഡോദര ചേംബർ ഓഫ് കൊമേഴ്‌സ് ആൻഡ് ഇൻഡസ്ട്രീസ് (വി.സി.സി.ഐ) അംഗങ്ങൾ, യുവ നേതാക്കൾ, വിദ്യാർത്ഥികൾ എന്നിവരും പരിപാടിയുടെ ഭാഗമായി.

ഹൂസ്റ്റണിലും ഓസ്ട്രേലിയയിലും ഓൺലൈൻ പ്രതികരണം

2019ൽ അമേരിക്കയിലെ ഹൂസ്റ്റണിൽ മോദി പങ്കെടുത്ത ‘ഹൗഡി, മോദി’ കമ്മ്യൂണിറ്റി പരിപാടിയിൽ 50,000ത്തിലധികം പേർ ഓൺലൈനായി രജിസ്റ്റർ ചെയ്തിരുന്നു.

ഓസ്ട്രേലിയയിൽ നടന്ന ‘മെൽബൺ മീറ്റ്സ് മോദി’ കമ്മ്യൂണിറ്റി പരിപാടിക്കും ഓൺലൈനിൽ വലിയ പ്രതികരണം ലഭിച്ചിരുന്നു.

English summary:
Prime Minister Narendra Modi’s ‘Namo for Viksit Bharat’ event in Vadodara, Gujarat, received a strong response on the BookMyShow app. Free tickets were sold out within an hour, leaving around 42,000 people on the waiting list. The event at the MS University Pavilion Ground will mark the launch of projects worth more than ₹35,000 crore