കൊല്ലം ജില്ലയിലെ തെന്മലയിൽ പ്രവർത്തിക്കുന്ന വയോജന അഭയകേന്ദ്രത്തിൽ അന്തേവാസികളായ വൃദ്ധർ നേരിട്ടത് ആരും കേൾക്കാൻ ആഗ്രഹിക്കാത്ത വിധത്തിലുള്ള ക്രൂരമായ പീഡനങ്ങളാണെന്ന ഞെട്ടിക്കുന്ന വിവരങ്ങളാണ് ഇപ്പോൾ പുറത്തുവരുന്നത്.
അന്തേവാസികളുടെ സംരക്ഷണത്തിനായി ബന്ധുക്കളിൽ നിന്നും വൻ തുകകൾ വാങ്ങിയിരുന്നെങ്കിലും ഇവർക്ക് ആവശ്യമായ ഭക്ഷണമോ ചികിത്സയോ മറ്റ് അടിസ്ഥാന സൗകര്യങ്ങളോ നൽകാൻ ഇയാൾ തയ്യാറായിരുന്നില്ല. ഇവിടുത്തെ വയോധികർ വലിയ രീതിയിലുള്ള ശാരീരിക-മാനസിക പീഡനങ്ങൾക്കാണ് ഇരയായിരുന്നതെന്ന് സ്ഥാപനത്തിലെ കെയർടേക്കർ തന്നെ തുറന്നുപറഞ്ഞിട്ടുണ്ട്.
തീർത്തും അസ്വാഭാവികവും മനുഷ്യത്വരഹിതവുമായ സാഹചര്യത്തിലാണ് ഇവിടുത്തെ അന്തേവാസികളെ പാർപ്പിച്ചിരുന്നത്. രോഗബാധിതരായ ഒൻപതോളം വൃദ്ധരെ മലമൂത്രവിസർജ്യങ്ങളും കടുത്ത ദുർഗന്ധവും നിറഞ്ഞ ഒരു ചെറിയ ഇടുങ്ങിയ മുറിയിലാണ് പൂട്ടിയിട്ടിരുന്നത്.
പുറത്തുനിന്നുള്ള ആരും തന്നെ ഇവിടേക്ക് പ്രവേശിക്കാതിരിക്കാനും അകത്തെ വിവരങ്ങൾ പുറത്തറിയാതിരിക്കാനും ക്രൂരന്മാരായ പട്ടികളെ അഴിച്ചുവിടുന്നത് ഇയാളുടെ വിനോദമായിരുന്നു. അയൽവാസികൾക്കോ അന്തേവാസികളുടെ മറ്റ് ബന്ധുക്കൾക്കോ ഈ കേന്ദ്രത്തിനുള്ളിലേക്ക് പ്രവേശിക്കാൻ കർശന വിലക്കാണ് ഏർപ്പെടുത്തിയിരുന്നത്.
നടത്തിപ്പുകാരനായ ബ്രഹ്മദാസൻ സ്ഥലത്തില്ലാത്ത സമയം നോക്കി അവിടെ നിന്നും എങ്ങനെയോ രക്ഷപ്പെട്ടോടിയ രണ്ട് വയോധികമാരാണ് തങ്ങൾ അനുഭവിച്ച നരകയാതനകൾ നാട്ടുകാരോട് വെളിപ്പെടുത്തിയത്.
More Read
നിർബന്ധിച്ച് മദ്യം കുടിപ്പിക്കുകയും അതിന് വിസമ്മതിക്കുന്നവരെ ക്രൂരമായി തല്ലിച്ചതയ്ക്കുകയും ചെയ്യുമായിരുന്നുവെന്ന് ഇവർ കരഞ്ഞുകൊണ്ട് പറഞ്ഞു. വയോധികർക്ക് നേരെ ലൈംഗിക അതിക്രമങ്ങൾ വരെ ഉണ്ടായതായാണ് വിവരം. രക്ഷപ്പെട്ടവരിൽ നിന്നും വിവരമറിഞ്ഞ നാട്ടുകാർ ഉടനടി പോലീസിനെ വിവരം അറിയിക്കുകയും തുടർന്ന് പോലീസെത്തി പ്രതിയെ കസ്റ്റഡിയിലെടുക്കുകയുമായിരുന്നു.
ഓർഫനേജ് കൺട്രോൾ ബോർഡിന്റെ യാതൊരുവിധ അനുമതിയും നിയമങ്ങളും പാലിക്കാതെയാണ് ഈ സ്ഥാപനം പ്രവർത്തിച്ചിരുന്നതെന്ന് വ്യക്തമായിട്ടുണ്ട്. മൂന്ന് സ്ത്രീകളടക്കം പതിമൂന്ന് അന്തേവാസികളാണ് നിലവിൽ ഈ നരകതുല്യമായ കേന്ദ്രത്തിലുള്ളത്.
കിടപ്പിലായതും അവശരുമായ വയോജനങ്ങളോടായിരുന്നു ഇയാൾ ക്രൂരത മുഴുവൻ കാണിച്ചിരുന്നത്. സംഭവത്തിൽ ശക്തമായ നിയമനടപടികൾ സ്വീകരിക്കുമെന്ന് സർക്കാർ വ്യക്തമാക്കിയതിന് പിന്നാലെ വയോജന കമ്മീഷൻ സ്ഥലത്തെത്തി വിശദമായ പരിശോധനകൾ ആരംഭിച്ചിട്ടുണ്ട്.
More Read
English Summary
In a shocking incident at the Punarjani care home in Thenmala, Kollam, inmates were subjected to brutal physical, mental, and sexual abuse by the owner, Padmadasan. Inmates lived in squalid conditions, forced to consume alcohol. Following the escape of two elderly women, police arrested the culprit.
