തിരുവനന്തപുരം: കേന്ദ്രമന്ത്രി സുരേഷ് ഗോപി രാജിവെക്കാൻ സന്നദ്ധത അറിയിച്ചെന്ന തരത്തിൽ സാമൂഹിക മാധ്യമങ്ങളിൽ പ്രചരിച്ച വാർത്തകൾ തള്ളി അദ്ദേഹം തന്നെ രംഗത്തെത്തി. പ്രചരണങ്ങളെ പരിഹാസരൂപേണ വിമർശിച്ചുകൊണ്ടാണ് സുരേഷ് ഗോപി പ്രതികരിച്ചത്.
“സുരേഷ് ഗോപി രാജി സന്നദ്ധത അറിയിച്ചു… നിങ്ങൾ അറിഞ്ഞിരുന്നോ? ഞാൻ മാത്രം അറിഞ്ഞില്ല കേട്ടോ…” എന്ന കുറിപ്പാണ് അദ്ദേഹം ഫേസ്ബുക്കിൽ പങ്കുവച്ചത്. തനിക്കെതിരെ പ്രചരിക്കുന്ന വാർത്തകൾക്ക് യാതൊരു അടിസ്ഥാനവുമില്ലെന്ന സൂചനയാണ് ഈ പ്രതികരണത്തിലൂടെ അദ്ദേഹം നൽകിയത്.
വ്യാജവാർത്തകൾ വിശ്വസിക്കുന്നതിന് മുമ്പ് സത്യം പരിശോധിക്കണമെന്നും, “സത്യം അറിയാൻ ഒരൊറ്റ ക്ലിക്ക് മതി” എന്നും സുരേഷ് ഗോപി കുറിപ്പിൽ വ്യക്തമാക്കി. ഇത്തരം “സിനിമാ കഥകൾ” വിശ്വസിച്ച് സമയം കളയരുതെന്നും അദ്ദേഹം കൂട്ടിച്ചേർത്തു.
വ്യാജ വാർത്തകൾ സൃഷ്ടിക്കുന്നവരെയും അദ്ദേഹം വിമർശിച്ചു. “അത് ശരിയല്ല… ഇനിയെങ്കിലും മാറ്റണം” എന്ന വാചകവും കുറിപ്പിൽ ഉൾപ്പെടുത്തിയിട്ടുണ്ട്.
ഫേസ്ബുക്കിലൂടെയുള്ള ഈ പ്രതികരണത്തോടെ കഴിഞ്ഞ മണിക്കൂറുകളായി പ്രചരിച്ചിരുന്ന രാജി സംബന്ധിച്ച അഭ്യൂഹങ്ങൾക്ക് വ്യക്തമായ മറുപടി നൽകിയിരിക്കുകയാണ് കേന്ദ്രമന്ത്രി.
More Read
English Summary
Union Minister Suresh Gopi has dismissed reports claiming that he was willing to resign from his ministerial post. Responding through a Facebook post, he sarcastically remarked, “Did you know Suresh Gopi has offered to resign? Apparently, I was the only one who didn’t know.” He urged people not to believe fabricated stories and advised them to verify facts before sharing information. His response effectively denied the resignation rumours that had been circulating on social media.
