തിരുവനന്തപുരം: ട്രെയിനുകളിലെ സ്ലീപ്പർ കോച്ചുകളിൽ ഉറങ്ങുന്നതിനുള്ള സമയക്രമം കർശനമായി നടപ്പാക്കാൻ റെയിൽവേ തീരുമാനം. രാത്രി 10 മുതൽ രാവിലെ ആറുവരെയാണ് സാധാരണ യാത്രക്കാർക്ക് ലോവർ ബർത്തുകളിൽ ഉറങ്ങാൻ അനുമതിയുള്ളത്. രോഗികൾ, ഗർഭിണികൾ, ഭിന്നശേഷിക്കാർ തുടങ്ങിയവർക്ക് ഈ സമയനിയന്ത്രണത്തിൽ ഇളവുണ്ടാകും.
ട്രെയിൻ സ്ലീപ്പർ കോച്ച്: ഉറക്കത്തിന് രാത്രി സമയക്രമം
സ്ലീപ്പർ കോച്ചുകളിലെ ബർത്ത് ഉപയോഗവുമായി ബന്ധപ്പെട്ട തർക്കങ്ങൾ ഒഴിവാക്കുകയാണ് സമയക്രമം കർശനമാക്കുന്നതിലൂടെ റെയിൽവേ ലക്ഷ്യമിടുന്നത്. രാത്രി പത്തുമുതൽ രാവിലെ ആറുവരെയാണ് ഉറങ്ങാനുള്ള അനുവദനീയ സമയം.
അതേസമയം, പകൽ സമയത്ത് അപ്പർ ബർത്തിൽ ഉറങ്ങുന്നതിന് നിയന്ത്രണമില്ലെന്നാണ് റിപ്പോർട്ടിൽ വ്യക്തമാക്കുന്നത്. നിയന്ത്രണം പ്രധാനമായും മിഡിൽ, ലോവർ ബർത്തുകളുടെ ഉപയോഗവുമായി ബന്ധപ്പെട്ടാണ്.
രോഗികൾക്കും ഗർഭിണികൾക്കും ഇളവ്
More Read
രോഗികൾ, ഗർഭിണികൾ, ഭിന്നശേഷിക്കാർ തുടങ്ങിയ യാത്രക്കാർക്ക് സാധാരണ സമയനിയന്ത്രണത്തിൽ ഇളവ് അനുവദിക്കും. യാത്രക്കാരുടെ ആരോഗ്യസ്ഥിതിയും പ്രത്യേക പരിഗണനയും കണക്കിലെടുത്താണ് ഈ ഇളവ്.
റെയിൽവേ സർക്കുലറിന് ചെന്നൈ ഹൈക്കോടതിയുടെ അംഗീകാരം
ബർത്ത് ഉപയോഗവുമായി ബന്ധപ്പെട്ട റെയിൽവേയുടെ സർക്കുലർ ചെന്നൈ ഹൈക്കോടതിയും ശരിവെച്ചതായി റിപ്പോർട്ടിൽ പറയുന്നു. ഒരു യാത്രക്കാരൻ നൽകിയ ഹർജി പരിഗണിച്ചാണ് കോടതി നടപടി.
More Read
ഇതിന്റെ പശ്ചാത്തലത്തിലാണ് സർക്കുലർ കർശനമായി നടപ്പാക്കാൻ റെയിൽവേ തീരുമാനിച്ചത്. ഇതോടെ സ്ലീപ്പർ കോച്ചുകളിലെ ബർത്ത് ഉപയോഗവുമായി ബന്ധപ്പെട്ട തർക്കങ്ങൾക്ക് നിയന്ത്രണം കൊണ്ടുവരാനാകുമെന്നാണ് പ്രതീക്ഷ.
English summary:
Indian Railways has decided to strictly enforce sleeping time rules in sleeper coaches. Passengers are generally allowed to sleep on lower berths between 10 pm and 6 am. Exceptions apply to patients, pregnant women and persons with disabilities. The railway circular has also been upheld by the Madras High Court, according to the report.
