മലപ്പുറം: ലഹരിക്കടത്ത് സംഘത്തിലെ മുഖ്യപ്രതിയുമായി ബന്ധമുണ്ടെന്ന് കണ്ടെത്തിയതിനെ തുടർന്ന് കരിപ്പൂർ സ്റ്റേഷനിലെ പൊലീസുകാരന് സസ്പെൻഷൻ. മലപ്പുറം കരിപ്പൂർ പൊലീസ് സ്റ്റേഷനിലെ ഡ്രൈവർ ഷറഫുദ്ദീനെയാണ് സസ്പെൻഡ് ചെയ്തത്.
ഇതേ കേസുമായി ബന്ധപ്പെട്ട് ഗോവിന്ദ് രാജ് എന്ന പൊലീസുകാരനെയും നേരത്തെ സസ്പെൻഡ് ചെയ്തിരുന്നു.
2026 ജനുവരി 22നാണ് കേസിനാസ്പദമായ സംഭവം നടന്നത്. കരിപ്പൂരിലെ ഒരു വീട്ടിൽ നടത്തിയ പരിശോധനയിൽ 40 ഗ്രാം എം.ഡി.എം.എ പിടികൂടിയിരുന്നു.
കേസിലെ മുഖ്യപ്രതിയുമായി പൊലീസുകാരന് ബന്ധമുണ്ടെന്ന പ്രത്യേക ശാഖ റിപ്പോർട്ടിന്റെ അടിസ്ഥാനത്തിലാണ് നടപടി സ്വീകരിച്ചത്. ജില്ലാ സ്പെഷ്യൽ ബ്രാഞ്ച് ഡിവൈ.എസ്.പി സമർപ്പിച്ച റിപ്പോർട്ടിന് പിന്നാലെയായിരുന്നു സസ്പെൻഷൻ.
ഇതിന് മുമ്പ് കരിപ്പൂർ ചെക്ക്പോസ്റ്റിൽ ജോലി ചെയ്തിരുന്ന ധനേഷ് എന്ന സിവിൽ പൊലീസ് ഓഫീസറെയും സമാന ആരോപണത്തെ തുടർന്ന് സസ്പെൻഡ് ചെയ്തിരുന്നു.
More Read
വിദേശത്ത് നിന്ന് എം.ഡി.എം.എ എത്തിച്ച പെരിന്തൽമണ്ണ സ്വദേശിയുമായി ബന്ധമുണ്ടെന്ന് കണ്ടെത്തിയതോടെയായിരുന്നു അന്നത്തെ നടപടി.
രണ്ട് വ്യത്യസ്ത ലഹരിക്കടത്ത് കേസുകളിലായി ഏതാനും മാസങ്ങൾക്കുള്ളിൽ മൂന്ന് പൊലീസുകാരാണ് സസ്പെൻഷനിലായത്.
English Summary: A police driver attached to Karipur Police Station in Malappuram has been suspended for allegedly maintaining links with the main accused in an MDMA drug trafficking case. Two other policemen had also faced suspension in related cases earlier.
