തിരുവനന്തപുരം: 2027ലെ പൊതു അവധി ദിനങ്ങളുടെയും നിയന്ത്രിത അവധി ദിനങ്ങളുടെയും പട്ടിക പുറത്തിറക്കി സംസ്ഥാന പൊതുഭരണ വകുപ്പ്. സർക്കാർ ഓഫീസുകൾക്ക് ബാധകമായ അവധി ദിവസങ്ങളാണ് വിജ്ഞാപനത്തിൽ വ്യക്തമാക്കിയിരിക്കുന്നത്. വിഷു, ഓണം, പെരുന്നാൾ, ക്രിസ്മസ്, റിപ്പബ്ലിക് ദിനം തുടങ്ങിയ ആഘോഷങ്ങളുടെ തീയതികളും പട്ടികയിലുണ്ട്.
2027ലെ പൊതു അവധി ദിനങ്ങൾ: ജനുവരി മുതൽ ഏപ്രിൽ വരെ
- ജനുവരി 2 – മന്നം ജയന്തി
- ജനുവരി 26 – റിപ്പബ്ലിക് ദിനം
- മാർച്ച് 6 – ശിവരാത്രി
- മാർച്ച് 10 – ഈദുൽഫിത്തർ
- മാർച്ച് 25 – പെസഹ വ്യാഴം
- മാർച്ച് 26 – ദുഃഖവെള്ളി
- ഏപ്രിൽ 1 – ബാങ്ക് വാർഷിക കണക്കെടുപ്പ്
- ഏപ്രിൽ 14 – അംബേദ്കർ ജയന്തി
- ഏപ്രിൽ 15 – വിഷു
മാർച്ച് 4ന് അയ്യാ വൈകുണ്ഠസ്വാമി ജയന്തി നിയന്ത്രിത അവധിയായും പട്ടികയിൽ ഉൾപ്പെടുത്തിയിട്ടുണ്ട്.
മേയ് മുതൽ ഓഗസ്റ്റ് വരെ അവധി ദിവസങ്ങൾ
- മേയ് 1 – മേയ് ദിനം
- മേയ് 17 – ബലിപെരുന്നാൾ
- ജൂൺ 15 – മുഹറം
- ഓഗസ്റ്റ് 2 – കർക്കടകവാവ്
- ഓഗസ്റ്റ് 17 – ആവണി അവിട്ടം (നിയന്ത്രിത അവധി)
- ഓഗസ്റ്റ് 24 – ശ്രീകൃഷ്ണ ജയന്തി
- ഓഗസ്റ്റ് 28 – അയ്യൻകാളി ജയന്തി
റംസാൻ, ബക്രീദ്, മുഹറം എന്നീ അവധി തീയതികൾ ചന്ദ്രദർശനത്തിന് അനുസരിച്ച് മാറാൻ സാധ്യതയുണ്ടെന്നും വിജ്ഞാപനത്തിൽ വ്യക്തമാക്കിയിട്ടുണ്ട്.
ഓണം ഉൾപ്പെടെയുള്ള സെപ്റ്റംബർ അവധികൾ
- സെപ്റ്റംബർ 13 – മൂന്നാം ഓണം
- സെപ്റ്റംബർ 14 – നാലാം ഓണം
- സെപ്റ്റംബർ 15 – ശ്രീനാരായണ ഗുരു ജയന്തി
- സെപ്റ്റംബർ 17 – വിശ്വകർമ ദിനം (നിയന്ത്രിത അവധി)
- സെപ്റ്റംബർ 22 – ശ്രീനാരായണ ഗുരു സമാധി
ഒക്ടോബർ, ഡിസംബർ മാസങ്ങളിലെ അവധികൾ
- ഒക്ടോബർ 2 – ഗാന്ധി ജയന്തി
- ഒക്ടോബർ 28 – ദീപാവലി
- ഡിസംബർ 25 – ക്രിസ്മസ്
പൊതു അവധി പട്ടികയിൽ പ്രത്യേകം ഉൾപ്പെടുത്താത്ത ദിനങ്ങൾ
ഞായറാഴ്ചകളും മാസത്തിലെ രണ്ടാം ശനിയാഴ്ചകളും സർക്കാർ ഓഫീസുകൾക്ക് പതിവ് അവധിയാണ്. ഈ ദിവസങ്ങളുമായി ഒത്തുവന്നതിനാൽ ചില ആഘോഷങ്ങൾ പ്രത്യേക പൊതു അവധി പട്ടികയിൽ ഉൾപ്പെടുത്തിയിട്ടില്ല.
- മാർച്ച് 28 – ഈസ്റ്റർ (ഞായറാഴ്ച)
- ഓഗസ്റ്റ് 14 – മിലാദ്-ഇ-ഷെരീഫ് അഥവാ നബിദിനം (രണ്ടാം ശനി)
- ഓഗസ്റ്റ് 15 – സ്വാതന്ത്ര്യദിനം (ഞായറാഴ്ച)
- സെപ്റ്റംബർ 11 – ഒന്നാം ഓണം (രണ്ടാം ശനി)
- സെപ്റ്റംബർ 12 – തിരുവോണം (ഞായറാഴ്ച)
- ഒക്ടോബർ 9 – മഹാനവമി (രണ്ടാം ശനി)
- ഒക്ടോബർ 10 – വിജയദശമി (ഞായറാഴ്ച)
സർക്കാർ ഓഫീസുകൾക്കുള്ള അവധി പട്ടിക
വിജ്ഞാപനം സംസ്ഥാന സർക്കാരിന് കീഴിലുള്ള പൊതുഓഫീസുകളിലെ അവധി ദിനങ്ങളെയാണ് വ്യക്തമാക്കുന്നത്. ബാങ്കുകൾ, വിദ്യാഭ്യാസ സ്ഥാപനങ്ങൾ, മറ്റ് സ്ഥാപനങ്ങൾ എന്നിവയ്ക്ക് വ്യത്യസ്ത അവധി പട്ടികകൾ ബാധകമായിരിക്കാം. അതിനാൽ അവധി ആസൂത്രണം ചെയ്യുമ്പോൾ ബന്ധപ്പെട്ട സ്ഥാപനത്തിന്റെ ഔദ്യോഗിക വിജ്ഞാപനവും പരിശോധിക്കണം.
English Summary:
Kerala’s General Administration Department has issued the list of public and restricted holidays for 2027 for state government offices. The list includes major festivals and observances such as Vishu, Onam, Eid, Muharram, Gandhi Jayanti and Christmas. The dates of Eid, Bakrid and Muharram may change depending on moon sighting. Banks, educational institutions and other organisations may follow separate holiday schedules.
