ന്യൂഡൽഹി: വിജിലൻസ് കേസിലെ നടപടികൾ സ്റ്റേ ചെയ്യണമെന്നാവശ്യപ്പെട്ട് പിണറായി വിജയൻ നൽകിയ ഹർജി പരിഗണിക്കാൻ സുപ്രീം കോടതി പ്രത്യേക ബെഞ്ച് രൂപീകരിച്ചു.
ജസ്റ്റിസ് ജോയ് മാല ബാഗ്ചി, ജസ്റ്റിസ് വി. മോഹ്ന എന്നിവരടങ്ങുന്ന ബെഞ്ച് ബുധനാഴ്ച ഹർജിയിൽ വാദം കേൾക്കും. കേസുമായി ബന്ധപ്പെട്ട് പിണറായി വിജയൻ, വീണ ടി, മുഹമ്മദ് റിയാസ്, ഹസൻ വാരിസ് എന്നിവർ നൽകിയ ഹർജികളും അന്നുതന്നെ പരിഗണിക്കും.
പിണറായി വിജയന്റെ ഹർജിയിൽ ബുധനാഴ്ച വാദം
വിജിലൻസ് കേസിലെ നടപടികൾ സ്റ്റേ ചെയ്യണമെന്നാണ് പിണറായി വിജയന്റെ ആവശ്യം.
ഇതുമായി ബന്ധപ്പെട്ട ഹർജികളിൽ വാദം കേൾക്കുന്നതിനായാണ് സുപ്രീം കോടതി പ്രത്യേക ബെഞ്ച് രൂപീകരിച്ചത്. ബുധനാഴ്ച എല്ലാ ഹർജികളിലും വാദം നടക്കും.
അറസ്റ്റിന് സാധ്യതയെന്ന് അഭിഭാഷകൻ
കഴിഞ്ഞ വെള്ളിയാഴ്ച കേസ് പരിഗണിച്ചപ്പോൾ പിണറായി വിജയനെ അറസ്റ്റ് ചെയ്യാൻ സാധ്യതയുണ്ടെന്ന് അദ്ദേഹത്തിനുവേണ്ടി ഹാജരായ സീനിയർ അഭിഭാഷകൻ സിദ്ധാർഥ് ലൂതറ കോടതിയിൽ ചൂണ്ടിക്കാട്ടിയിരുന്നു.
More Read
പിണറായി വിജയന് 82 വയസ്സായെന്നും അതിനാൽ അന്നുതന്നെ ഹർജി പരിഗണിച്ച് ഇടക്കാല സംരക്ഷണം അനുവദിക്കണമെന്നും അദ്ദേഹം ആവശ്യപ്പെട്ടു.
പ്രത്യേക ബെഞ്ച് രൂപീകരിക്കുമെന്ന് ചീഫ് ജസ്റ്റിസ്
എന്നാൽ, വിവിധ ബെഞ്ചുകൾക്ക് മുന്നിൽ കേസുകൾ കൂടുതലുള്ളതിനാൽ ഉടൻ വാദം കേൾക്കാൻ കഴിയില്ലെന്നായിരുന്നു ചീഫ് ജസ്റ്റിസിന്റെ പ്രതികരണം.
അടുത്ത ആഴ്ച പ്രത്യേക ബെഞ്ച് രൂപീകരിച്ച് അപ്പീലുകളിൽ വാദം കേൾക്കുന്ന കാര്യം പരിഗണിക്കാമെന്നും അദ്ദേഹം അറിയിച്ചിരുന്നു. ഇതിനു പിന്നാലെയാണ് ഹർജികൾ പരിഗണിക്കാൻ പ്രത്യേക ബെഞ്ച് രൂപീകരിച്ചത്.
English Summary : The Supreme Court has constituted a special bench comprising Justices Joymalya Bagchi and V. Mohan to hear Pinarayi Vijayan’s petition seeking a stay on proceedings in a vigilance case. The bench will hear petitions filed by Vijayan, Veena T, Mohammed Riyas and Hasan Waris on Wednesday. Vijayan’s counsel, senior advocate Siddharth Luthra, had earlier expressed concerns about the possibility of his arrest and sought interim protection.
