വാഷിങ്ടൺ ഡി.സിയിൽ യുഎസ് പ്രസിഡന്റ് ഡൊണാൾഡ് ട്രംപും പ്രമുഖ മാധ്യമപ്രവർത്തകയും എൻബിസി അവതാരകയുമായ ക്രിസ്റ്റൻ വെൽക്കറും തമ്മിൽ നടന്ന അഭിമുഖം കടുത്ത വാക്കേറ്റത്തിലും നാടകീയമായ രംഗങ്ങളിലും കലാശിച്ചു. എൻബിസി ന്യൂസിന്റെ ജനപ്രിയ പരിപാടിയായ ‘മീറ്റ് ദ പ്രസ്’ എന്ന ടോക്ക് ഷോയ്ക്കിടെയാണ് ലോകത്തെമ്പാടും ചർച്ചയായ ഈ സംഭവം അരങ്ങേറിയത്.
കാലിഫോർണിയയിലെ തിരഞ്ഞെടുപ്പുമായി ബന്ധപ്പെട്ട് ഉയർന്ന ചോദ്യങ്ങളാണ് അമേരിക്കൻ പ്രസിഡന്റിനെ കടുത്ത രീതിയിൽ ചൊടിപ്പിച്ചത്. വാക്കേറ്റം അതിന്റെ പരകോടിയിൽ എത്തിയപ്പോൾ ട്രംപ് തന്റെ മൈക്രോഫോൺ ഊരി നിലത്തേക്ക് എറിഞ്ഞ് അഭിമുഖം പാതിവഴിയിൽ ഉപേക്ഷിച്ചു കടന്നു കളയുകയായിരുന്നു.
കാലിഫോർണിയ സംസ്ഥാനത്തെ വോട്ടെണ്ണൽ പ്രക്രിയയിലെ മന്ദഗതിയെക്കുറിച്ചുള്ള ചർച്ചകളാണ് ഇരുവർക്കുമിടയിൽ അസ്വാരസ്യങ്ങൾക്ക് തുടക്കമിട്ടത്. വോട്ടെടുപ്പ് കഴിഞ്ഞ് നാല് ദിവസങ്ങൾ പിന്നിട്ടിട്ടും അന്തിമഫലം പുറത്തു വരാത്തത് അവിടെ വലിയ രീതിയിലുള്ള തിരഞ്ഞെടുപ്പ് തട്ടിപ്പ് നടക്കുന്നു എന്നതിന്റെ വ്യക്തമായ തെളിവാണെന്ന് ട്രംപ് ശക്തമായി ആരോപിച്ചു.
എന്നാൽ ഈ ആരോപണത്തെ അപ്പാടെ വിഴുങ്ങാൻ അവതാരക തയ്യാറായില്ല. ഉന്നയിക്കുന്ന വാദങ്ങൾക്ക് പിന്നിൽ കൃത്യമായ എന്തെങ്കിലും തെളിവുകളുണ്ടോ എന്ന് ക്രിസ്റ്റൻ വെൽക്കർ ട്രംപിനോട് ആവർത്തിച്ചു ചോദിച്ചുകൊണ്ടിരുന്നു. ഇതിന് മറുപടിയായി പലരിൽ നിന്നും താൻ ഇത് കേൾക്കുന്നുണ്ടെന്നും സാഹചര്യം നോക്കിയാൽ തന്നെ തനിക്ക് കാര്യങ്ങൾ മനസ്സിലാകുമെന്നുമാണ് ട്രംപ് വ്യക്തമാക്കിയത്.
എന്നാൽ വോട്ടെടുപ്പിൽ അട്ടിമറിയോ ക്രമക്കേടുകളോ നടന്നതായി ഔദ്യോഗികമായി യാതൊരു തെളിവുമില്ലെന്ന് വെൽക്കർ വസ്തുതകൾ നിരത്തി വ്യക്തമാക്കിയതോടെ ട്രംപ് കൂടുതൽ ക്ഷുഭിതനായി തന്റെ ആരോപണങ്ങളിൽ ഉറച്ചുനിന്നു. തിരഞ്ഞെടുപ്പ് കഴിഞ്ഞ് ഇത്രയും ദിവസമായിട്ടും ഫലം പ്രഖ്യാപിക്കാത്തത് ജനാധിപത്യപരമായി ശരിയാണോ എന്ന് ട്രംപ് അവതാരകയ്ക്ക് നേരെ ചോദ്യം ഉന്നയിച്ചു.
More Read
വോട്ടെണ്ണൽ പ്രക്രിയ കൃത്യതയോടെയും വേഗത്തിലും പൂർത്തിയാക്കാൻ തിരഞ്ഞെടുപ്പ് അധികൃതർ പരമാവധി ശ്രമിക്കുന്നുണ്ടെന്നായിരുന്നു ഇതിന് മാധ്യമപ്രവർത്തക നൽകിയ മറുപടി. ഇത് കേട്ടതോടെ നിയന്ത്രണം നഷ്ടപ്പെട്ട ട്രംപ് കാലിഫോർണിയയിലെ തിരഞ്ഞെടുപ്പ് ഉദ്യോഗസ്ഥർ അഴിമതിക്കാരാണെന്നും അവരെപ്പോലെ തന്നെയാണ് അവതാരകയെന്നും പരസ്യമായി കുറ്റപ്പെടുത്തി.
താൻ അഴിമതിക്കാരിയല്ല എന്ന് ക്രിസ്റ്റൻ വെൽക്കർ ശക്തമായി പ്രതിരോധിച്ചെങ്കിലും ട്രംപ് തന്റെ വ്യക്തിപരമായ ആക്ഷേപം വീണ്ടും ആവർത്തിക്കുകയാണുണ്ടായത്. തർക്കം രൂക്ഷമായതോടെ ഇനി ഇത് മുന്നോട്ട് കൊണ്ടുപോകാൻ താല്പര്യമില്ലെന്ന് പ്രഖ്യാപിച്ച് ട്രംപ് അഭിമുഖം അവസാനിപ്പിച്ചു.
“മതി, ഇത് നമുക്ക് ഇവിടെ അവസാനിപ്പിക്കാം, നന്ദി ഡാർലിങ്” എന്ന് പരിഹാസത്തോടെ പറഞ്ഞ് അദ്ദേഹം തന്റെ മൈക്രോഫോൺ ഊരി നിലത്തേക്ക് എറിയുകയും കസേരയിൽ നിന്ന് എഴുന്നേറ്റു പോവുകയും ചെയ്തു. മാധ്യമപ്രവർത്തകരോടുള്ള ട്രംപിന്റെ മോശം പെരുമാറ്റം ഇതാദ്യമായല്ല ചർച്ചയാകുന്നത്.
More Read
മുൻപ് സിഎൻഎൻ റിപ്പോർട്ടറായ കൈറ്റ്ളൻ കോളിൻസിനെതിരെയും ട്രംപ് ഇത്തരത്തിൽ വ്യക്തിപരമായ അധിക്ഷേപം നടത്തിയിരുന്നു. അവൾ കാണാൻ സുന്ദരിയാണെങ്കിലും ഒരിക്കലും ചിരിക്കാറില്ലെന്നും അവളുടെ കണ്ണുകളിൽ എപ്പോഴും വെറുപ്പ് മാത്രമാണ് കാണാൻ കഴിയുക എന്നുമാണ് അന്ന് ട്രംപ് പരിഹസിച്ചത്.
English Summary
US President Donald Trump abruptly ended an NBC News ‘Meet the Press’ interview with Kristen Welker following a heated argument over slow vote counting in California. Trump alleged election fraud without proof, insulted Welker as corrupt, and walked out after throwing his microphone to the ground, saying, “Thank you, darling.”
