ഉപയോക്താവ് അറിയാതെ ടെലഗ്രാമിൽ നിന്നും അശ്ലീല സന്ദേശം; ഇക്കാര്യം സൂക്ഷിച്ചില്ലേൽ നിങ്ങളും പെടും
ഉപയോക്താക്കൾ അറിയാതെ ടെലഗ്രാം ആപ്പ് ഹാക്ക് ചെയ്ത് സൈബർ തട്ടിപ്പ് സംഘങ്ങൾ മറ്റുള്ളവർക്ക് അശ്ളീല സന്ദേശം അയക്കുന്നത് പതിവാകുന്നു.
ടെലഗ്രാം ആപ്പിൽ നുഴഞ്ഞു കയറിയ ഹാക്കർ ഫോണിലുള്ള എല്ലാ കോൺടാക്ടുകളും ചോർത്തിയെടുത്ത ശേഷം അതേ ഉപഭോക്താവിന്റെ ടെലഗ്രാം ഐഡി ഉപയോഗിച്ചാണ് അശ്ളില സന്ദേശം അയക്കുന്നത്.
ടെലഗ്രാമിൽ വരുന്ന ലിങ്കിൽ ക്ലിക്ക് ചെയ്യുന്നതോടെയാണ് ഹാക്ക് ചെയ്യപ്പെടുന്നത്. തുടർന്ന് കോൺടാക്ട് നമ്പരുകൾ ഏറ്റെടുത്ത് ഹാക്കർ ടെലഗ്രാം ആപ്പ് നിയന്ത്രിക്കും. ശേഷം അശ്ളീല സന്ദേശങ്ങളും ലിങ്കുകളും അയക്കും.
കുടുംബ ഗ്രൂപ്പുകളിലും മത്സര പരീക്ഷാ പഠന ഗ്രൂപ്പുകളിലും പരിചയക്കാർക്കും ഉൾപ്പെടെ ഉപയോക്താവ് അറിയാതെ അശ്ളീല സന്ദേശം ചെല്ലുന്നത് ഒട്ടേറെയാളുകൾക്ക് ഇതിനോടകം തലവേദനയായിട്ടുണ്ട്.
More Read
വിദേശത്തിരുന്നാണ് ഹാക്കർമാർ ഇക്കാര്യങ്ങൾ നിയന്ത്രിക്കുന്നത് എന്നതിനാൽ പരാതിപ്പെട്ടിടും കാര്യമില്ല എന്ന അവസ്ഥയാണ്.
ഹാക്ക് ചെയ്യപ്പെട്ട പരിചയക്കാരുടെ ടെലഗ്രാം അക്കൗണ്ടിൽ നിന്നും ലഭിക്കുന്ന ലിങ്ക് തുറന്നു നോക്കുന്നതോടെയാണ് പലർക്കും അമളി പറ്റുന്നത്.
ടെലഗ്രാമിൽ സന്ദേശമായി ലഭിക്കുന്ന ലിങ്കുകൾ സുരക്ഷ ഉറപപ്പു വരുത്തിയ ശേഷം മാത്രമെ തുറക്കാവു എന്ന് സൈബർ വിദഗ്ദ്ധർ പറയുന്നു.
