വാഷിംഗ്ടൺ: ഇറാൻ യുദ്ധം അവസാനിപ്പിക്കാനുള്ള ശ്രമങ്ങൾ തുടരുന്നതിനിടെ അമേരിക്കയിൽ ഇന്ധനവില കുതിച്ചുയരുന്നു. അമേരിക്കയിലെ പെട്രോൾ വില ശരാശരി ഗാലണിന് 4.08 ഡോളറിലെത്തിയതായി അമേരിക്കൻ ഓട്ടോമൊബൈൽ അസോസിയേഷൻ അറിയിച്ചു. കഴിഞ്ഞ വർഷത്തെ ഇതേ കാലയളവിനെ അപേക്ഷിച്ച് 29 ശതമാനമാണ് വർധന.
അമേരിക്കയിലെ പെട്രോൾ വിലയിൽ വൻ കുതിപ്പ്
ഇറാൻ യുദ്ധവും ലോകത്തിലെ നിർണായക ഊർജ ഇടനാഴികളിലൊന്നായ ഹോർമുസ് കടലിടുക്ക് അടഞ്ഞതുമാണ് ഇന്ധനവില ഉയരാൻ കാരണമായത്. എണ്ണ വിതരണത്തെ ബാധിക്കുന്ന സാഹചര്യത്തിൽ വിപണിയിൽ വില സമ്മർദം ശക്തമായി.
അതേസമയം, ഇന്ധനവിലയിലെ വർധന അമേരിക്കൻ ജനങ്ങൾക്ക് വലിയ സാമ്പത്തിക ബാധ്യതയായി മാറുകയാണ്. യുദ്ധം തുടരുന്നതിനിടെ വില ഇനിയും മാറാനുള്ള സാധ്യതയും നിലനിൽക്കുന്നു.
വിലക്കയറ്റം അംഗീകരിക്കണമെന്ന് ട്രംപ്
More Read
ഇന്ധനവില ഉയർന്നതിനെക്കുറിച്ച് ജനങ്ങൾ അത് അംഗീകരിക്കണമെന്നാണ് യു.എസ് പ്രസിഡന്റ് ഡൊണാൾഡ് ട്രംപിന്റെ പ്രതികരണം. ഇറാൻ ആണവായുധം നിർമിക്കുന്നത് തടയാനുള്ള രാജ്യത്തിന്റെ പോരാട്ടത്തിന് വേണ്ടിയുള്ള ത്യാഗമായി വിലക്കയറ്റത്തെ കാണണമെന്നും ട്രംപ് പറഞ്ഞു.
താൻ ചെയ്യുന്നത് ശരിയായ കാര്യമാണെന്നും അതിനാൽ ജനങ്ങളോട് മാപ്പ് പറയില്ലെന്നും ട്രംപ് വ്യക്തമാക്കി. യുദ്ധം അവസാനിക്കുന്നതോടെ ഇന്ധനവില കുറയുമെന്നും അദ്ദേഹം പറഞ്ഞു.
ഹോർമുസ് പ്രതിസന്ധി എണ്ണവിപണിയെ ബാധിക്കുന്നു
More Read
ലോകത്തിലെ പ്രധാന ഊർജ ഗതാഗത പാതകളിലൊന്നാണ് ഹോർമുസ് കടലിടുക്ക്. ഇവിടെ ഗതാഗതം തടസ്സപ്പെടുന്നത് ആഗോള എണ്ണവിതരണത്തെ നേരിട്ട് ബാധിക്കുമെന്ന ആശങ്കയാണ് ഇന്ധനവില ഉയരാനുള്ള പ്രധാന കാരണങ്ങളിലൊന്ന്.
ഇതിനിടെ, ന്യൂയോർക്കിൽ നടന്ന റാലിയിലും ട്രംപ് ഇന്ധനവിലയെക്കുറിച്ചുള്ള നിലപാട് ആവർത്തിച്ചു. ഇറാനെതിരായ പോരാട്ടം പൂർത്തിയാക്കി യുദ്ധം അവസാനിപ്പിക്കുമ്പോൾ വില കുറയുമെന്ന പ്രതീക്ഷയും അദ്ദേഹം പ്രകടിപ്പിച്ചു.
