കൊല്ലം: കൊല്ലത്ത് ട്രെയിൻ തട്ടി ചികിത്സയിലായിരുന്ന യുവാവ് മരിച്ചു. പുനലൂർ പത്തേക്കർ ചേരിക്കോണം ഇട്ടിവിള വീട്ടിൽ അജി ആണ് മരിച്ചത്. തിരുവനന്തപുരം മെഡിക്കൽ കോളേജ് ആശുപത്രിയിൽ ചികിത്സയിലിരിക്കെയാണ് അന്ത്യം സംഭവിച്ചത്.
ബുധനാഴ്ച രാത്രി പുനലൂർ–കൊല്ലം റൂട്ടിൽ സർവീസ് നടത്തിയ മെമു ട്രെയിൻ ഇടിച്ചാണ് അജിക്ക് ഗുരുതരമായി പരിക്കേറ്റത്.
കൊല്ലം ട്രെയിൻ അപകടം എങ്ങനെ സംഭവിച്ചു?
കൊല്ലം–ചെങ്കോട്ട റെയിൽപാതയിലെ പുനലൂർ പത്തേക്കർ ഭാഗത്താണ് അപകടം നടന്നത്. രാത്രി എട്ടോടെയായിരുന്നു സംഭവം.
ട്രെയിൻ ഇടിച്ചതിന്റെ ആഘാതത്തിൽ അജി റെയിൽപാതയുടെ വശത്തേക്ക് തെറിച്ചുവീണു. കൈയ്ക്കും കാലുകൾക്കും ഗുരുതര പരിക്കേറ്റ നിലയിൽ കണ്ടെത്തിയ അജിയെ പ്രദേശവാസികൾ ആദ്യം പുനലൂർ താലൂക്ക് ആശുപത്രിയിലും പിന്നീട് തിരുവനന്തപുരം മെഡിക്കൽ കോളേജ് ആശുപത്രിയിലും പ്രവേശിപ്പിച്ചു.
അന്വേഷണം തുടരുന്നു
അപകടത്തിന്റെ സാഹചര്യങ്ങൾ സംബന്ധിച്ച് റെയിൽവേ പൊലീസും ബന്ധപ്പെട്ട അധികൃതരും അന്വേഷണം ആരംഭിച്ചു.
കൂടാതെ, സംഭവവുമായി ബന്ധപ്പെട്ട സിസിടിവി ദൃശ്യങ്ങൾ ഉൾപ്പെടെ പരിശോധിച്ചുവരികയാണ്. ഇൻക്വസ്റ്റ് നടപടികൾ പൂർത്തിയാക്കിയ ശേഷം പോസ്റ്റുമോർട്ടം നടത്തി മൃതദേഹം ബന്ധുക്കൾക്ക് വിട്ടുനൽകി.
മരിച്ച അജിയുടെ ഭാര്യ സന്ധ്യയാണ്. ദമ്പതികൾക്ക് ആറ് മക്കളുണ്ട്.
ആര്യങ്കാവിൽ മറ്റൊരു ട്രെയിൻ അപകടം
അതേസമയം, ആര്യങ്കാവിൽ നടന്ന മറ്റൊരു അപകടത്തിൽ റെയിൽവേ ട്രാക്കിൽ ഇരുന്ന യുവാവിനെ ട്രെയിൻ ഇടിച്ചു.
More Read
ചേമ്പോട സ്വദേശി രാജേഷ് ഗോപി (42)യ്ക്കാണ് അപകടത്തിൽ ഗുരുതരമായി പരിക്കേറ്റത്. ഇടതു കാൽ അറ്റുപോയ ഇയാളെ പ്രാഥമിക ചികിത്സയ്ക്ക് ശേഷം തിരുവനന്തപുരം മെഡിക്കൽ കോളേജ് ആശുപത്രിയിലേക്ക് മാറ്റി
