അബുദാബി: ബിഗ് ടിക്കറ്റ് നറുക്കെടുപ്പിൽ വീണ്ടും മലയാളിക്ക് ഭാഗ്യം. സെപ്തംബറിലെ രണ്ടാമത്തെ പ്രതിവാര ഇ-ഡ്രോയിൽ ഇന്ത്യ, ബംഗ്ലാദേശ്, നേപ്പാൾ എന്നീ രാജ്യങ്ങളിൽ നിന്നുള്ള നാല് പ്രവാസികൾ വിജയികളായി. എല്ലാവർക്കും 25,000 ദിർഹം വീതമാണ് സമ്മാനം.
കേരളത്തിൽ നിന്നുള്ള ഷെരീഫ് നെഷുകിലാണ് ഇത്തവണ സമ്മാനം നേടിയ മലയാളി. 20 വർഷമായി അബുദാബിയിൽ കഴിയുന്ന ഷെരീഫ് ബിസിനസ് മേഖലയിൽ പ്രവർത്തിക്കുകയാണ്.
ബിഗ് ടിക്കറ്റ് നറുക്കെടുപ്പിൽ ആദ്യമായി സമ്മാനം
നിരവധി തവണ ബിഗ് ടിക്കറ്റിലൂടെ ഭാഗ്യം പരീക്ഷിച്ചിട്ടുണ്ടെങ്കിലും ആദ്യമായാണ് സമ്മാനം ലഭിക്കുന്നതെന്ന് ഷെരീഫ് പറഞ്ഞു.
സുഹൃത്തുക്കൾക്കൊപ്പമാണ് അദ്ദേഹം ടിക്കറ്റ് എടുത്തത്. ലഭിച്ച സമ്മാനത്തുക സുഹൃത്തുക്കൾക്കിടയിൽ തുല്യമായി വീതിക്കുമെന്നും ഷെരീഫ് വ്യക്തമാക്കി.
പഞ്ചാബ് സ്വദേശിക്കും 25,000 ദിർഹം
മറ്റൊരു വിജയി പഞ്ചാബ് സ്വദേശിയായ 48കാരൻ ജസ്വീന്ദർ സിംഗാണ്. 20 വർഷമായി ഷാർജയിൽ താമസിക്കുന്ന അദ്ദേഹം മെക്കാനിക്കൽ ടെക്നീഷ്യനായി ജോലി ചെയ്യുന്നു.
More Read
പത്ത് പേരടങ്ങുന്ന സുഹൃത്ത് സംഘത്തിനൊപ്പമാണ് ജസ്വീന്ദർ സിംഗ് ബിഗ് ടിക്കറ്റ് എടുത്തത്. സമ്മാനത്തുക സംഘാംഗങ്ങൾക്കിടയിൽ വീതിക്കുമെന്നും അദ്ദേഹം പറഞ്ഞു.
ബംഗ്ലാദേശ് സ്വദേശിക്കും ഭാഗ്യം
ബംഗ്ലാദേശ് സ്വദേശിയായ മുഹമ്മദ് മൊസ്താകിൻഷാ ബില്ലയും ഇ-ഡ്രോയിൽ വിജയിച്ചു. കഴിഞ്ഞ പത്ത് വർഷമായി അജ്മാനിൽ താമസിക്കുന്ന അദ്ദേഹം സൂപ്പർമാർക്കറ്റിലാണ് ജോലി ചെയ്യുന്നത്.
രണ്ട് സുഹൃത്തുക്കൾക്കൊപ്പമാണ് മുഹമ്മദ് ബിഗ് ടിക്കറ്റ് എടുത്തത്. ലഭിച്ച സമ്മാനത്തുക സുഹൃത്തുക്കളുമായി തുല്യമായി പങ്കിടുമെന്നും അദ്ദേഹം വ്യക്തമാക്കി.
English Summary:
A Malayali expatriate from Kerala was among four winners in the second weekly Big Ticket e-draw held in September. Each winner received AED 25,000. Shareef Neshukil, who has been living in Abu Dhabi for 20 years and works in business, said he had tried his luck several times before winning for the first time. He purchased the ticket with friends and plans to share the prize money equally. The other winners included Punjab-born Jaswinder Singh, a mechanical technician living in Sharjah, and Bangladeshi national Mohammad Mostakinsha Billa, who works at a supermarket in Ajman
