അമേരിക്കയുമായി ഒപ്പുവെച്ച ചരിത്രപരമായ സമാധാന കരാറിനോട് തനിക്ക് തുടക്കം മുതൽ പൂർണ്ണ താല്പര്യമുണ്ടായിരുന്നില്ലെന്ന് തുറന്നുപറഞ്ഞ് ഇറാന്റെ പരമോന്നത നേതാവ് മൊജ്തബ ഖമനെയി.
ഫ്രാൻസിൽ വെച്ച് യുഎസ് പ്രസിഡന്റ് ഡൊണാൾഡ് ട്രംപും ഇറാൻ പ്രസിഡന്റ് മസൂദ് പെസെഷ്കിയാനും 14 ഇന ധാരണാപത്രത്തിൽ ഒപ്പുവെച്ചതായി ഔദ്യോഗിക പ്രഖ്യാപനം വന്ന് തൊട്ടുപിന്നാലെയാണ് ഖമനെയിയുടെ ഈ നിർണ്ണായക പ്രതികരണം. രാജ്യത്തിന്റെ താല്പര്യങ്ങളും ജനങ്ങളുടെയും പ്രതിരോധ സേനകളുടെയും അവകാശങ്ങളും പൂർണ്ണമായി സംരക്ഷിക്കുമെന്ന് പ്രസിഡന്റ് മസൂദ് പെസെഷ്കിയൻ ഉറപ്പ് നൽകിയതിനാലാണ് കരാറിന് താൻ അനുമതി നൽകിയതെന്ന് അദ്ദേഹം വ്യക്തമാക്കി. കൂടുതൽ വിട്ടുവീഴ്ചകൾക്കായി അമേരിക്ക ഇറാനുമേൽ കടുത്ത സമ്മർദ്ദം ചെലുത്തിയിരുന്നുവെന്നും എന്നാൽ ശത്രുരാജ്യത്തിന്റെ എല്ലാ ആവശ്യങ്ങളും അംഗീകരിക്കലല്ല ചർച്ചകളുടെ അർത്ഥമെന്നും ഖമനെയി കൂട്ടിച്ചേർത്തു.
അതേസമയം, സമാധാന കരാർ നിലവിൽ വന്നിട്ടും ലോകത്തെ ഏറ്റവും തന്ത്രപ്രധാനമായ ഹോർമൂസ് കടലിടുക്ക് ഇറാൻ ഇതുവരെ പൂർണ്ണമായി തുറന്നിട്ടില്ലെന്നാണ് യുകെ മാരിടൈം റിപ്പോർട്ടുകൾ സൂചിപ്പിക്കുന്നത്. നിലവിൽ ഒമാൻ വഴിയാണ് കപ്പൽ ഗതാഗതം തുടരുന്നത്. എന്നാൽ ഇതിനിടെ ഇറാനെതിരെയുള്ള നാവിക ഉപരോധം പിൻവലിച്ചതായും പൊതുവായ സമുദ്ര സുരക്ഷാ ക്രമീകരണങ്ങളിലേക്ക് മാറിയതായും അമേരിക്കൻ സെൻട്രൽ കമാൻഡ് പ്രഖ്യാപിച്ചിട്ടുണ്ട്.
English Summary
English Summary: Iran’s Supreme Leader Mojtaba Khamenei revealed that he was initially reluctant to support the peace agreement signed with the US. He agreed only after President Masoud Pezeshkian assured him that Iran’s national interests and military rights would be protected. Meanwhile, despite US President Donald Trump officially announcing the treaty signed in France, the vital Strait of Hormuz remains partially restricted, with shipping still largely diverted through Oman.
