പാലക്കാട്: ജോലി വാഗ്ദാനം ചെയ്ത് യുവതിയെ ലൈംഗികമായി പീഡിപ്പിച്ചെന്ന പരാതിയിൽ കേസെടുത്തതിന് പിന്നാലെ ശ്രീകൃഷ്ണപുരം പഞ്ചായത്ത് അംഗവും സി.പി.എം ശ്രീകൃഷ്ണപുരം ലോക്കൽ കമ്മിറ്റി അംഗവുമായ സി. സുജിത്തിനെ പാർട്ടിയിൽ നിന്ന് പുറത്താക്കി. ഡി.വൈ.എഫ്.ഐയും സുജിത്തിനെ സസ്പെൻഡ് ചെയ്തിട്ടുണ്ട്.
ശ്രീകൃഷ്ണപുരം സ്വദേശിനിയായ 23കാരിയാണ് സുജിത്തിനെതിരെ പരാതി നൽകിയത്. 2025 മുതൽ 2026 വരെയുള്ള ഒരു വർഷക്കാലയളവിൽ ജോലി നൽകാമെന്ന് വാഗ്ദാനം ചെയ്ത് വിവിധ സ്ഥലങ്ങളിൽ വെച്ച് പീഡിപ്പിച്ചെന്നാണ് പരാതിയിൽ പറയുന്നത്.
പരാതിയുടെ അടിസ്ഥാനത്തിൽ ശ്രീകൃഷ്ണപുരം പൊലീസ് സുജിത്തിനെതിരെ കേസ് രജിസ്റ്റർ ചെയ്തിരുന്നു. കേസെടുത്തതിന് പിന്നാലെ പാർട്ടി തലത്തിലും നടപടി സ്വീകരിക്കുകയായിരുന്നു.
നിലവിൽ ഒളിവിൽ കഴിയുന്ന സുജിത്തിനായി പൊലീസ് അന്വേഷണം ഊർജിതമാക്കിയിട്ടുണ്ട്. പ്രതിയെ കണ്ടെത്തുന്നതിനുള്ള ശ്രമങ്ങൾ തുടരുകയാണെന്ന് അന്വേഷണ ഉദ്യോഗസ്ഥർ അറിയിച്ചു.
അതേസമയം, പരാതിക്കാരി ഉടൻ മജിസ്ട്രേറ്റിന് മുന്നിൽ ഹാജരായി രഹസ്യമൊഴി നൽകും. മൊഴിയുടെ അടിസ്ഥാനത്തിൽ കേസിലെ തുടർനടപടികൾ വേഗത്തിലാക്കാനാണ് പൊലീസിന്റെ തീരുമാനം.
More Read
സംഭവം പ്രദേശത്ത് രാഷ്ട്രീയ ചർച്ചകൾക്കും വഴിവെച്ചിട്ടുണ്ട്. കേസിൽ കൂടുതൽ വിവരങ്ങൾ പുറത്തുവരാനിരിക്കെ അന്വേഷണ പുരോഗതി നിർണായകമാകും.
English Summary:
CPM has expelled Sreekrishnapuram local committee member and panchayat member C. Sujith after a 23-year-old woman accused him of sexually abusing her on the promise of a job. DYFI has also suspended him. Police have registered a case and launched a search as the accused is currently absconding. The complainant is expected to give a confidential statement before a magistrate.
