കാക്കനാട്: സുഹൃത്തിനൊപ്പം അപ്പാർട്മെന്റിലെത്തി മണിക്കൂറുകൾക്കകം 22കാരൻ കുഴഞ്ഞുവീണ് മരിച്ചു. ആലുവ ചൂർണിക്കര പള്ളിക്കുന്നം മാടവനയിൽ ബിജു ജോസഫിന്റെ മകൻ ബ്രൈറ്റ് ബിജുവാണ് മരിച്ചത്.
എറണാകുളം ഇടച്ചിറയിലെ അപ്പാർട്മെന്റിലായിരുന്നു സംഭവം. യുവാവിനെ ആശുപത്രിയിലെത്തിക്കാൻ വൈകിയെന്ന ആരോപണവുമായി ബന്ധുക്കൾ രംഗത്തെത്തി.
അപ്പാർട്മെന്റിലെത്തിയത് ശനിയാഴ്ച ഉച്ചയ്ക്ക്
ശനിയാഴ്ച ഉച്ചയ്ക്ക് മൂന്നുമണിയോടെയാണ് ബ്രൈറ്റ് ചെമ്പുമുക്ക് സ്വദേശിനിയായ സുഹൃത്തിനൊപ്പം അപ്പാർട്മെന്റിലെത്തിയത്.
രാത്രി എട്ടുമണിയോടെ മുറിയിൽവച്ച് ബ്രൈറ്റ് കുഴഞ്ഞുവീണെന്നാണ് യുവതി പൊലീസിന് നൽകിയ മൊഴി.
More Read
തുടർന്ന് യുവതി ബ്രൈറ്റിന്റെ സഹോദരനെ വിവരമറിയിച്ചു. സഹോദരനും യുവതിയും ചേർന്ന് ഉടൻ സ്വകാര്യ ആശുപത്രിയിലെത്തിച്ചെങ്കിലും ബ്രൈറ്റിന്റെ ജീവൻ രക്ഷിക്കാനായില്ല.
ബ്രൈറ്റ് ബിജുവിന്റെ മരണത്തിൽ ബന്ധുക്കളുടെ പരാതി
യുവതിയുടെ മൊഴി രേഖപ്പെടുത്തിയശേഷം പൊലീസ് അവരെ ബന്ധുക്കൾക്കൊപ്പം വിട്ടയച്ചു. അതേസമയം, ബ്രൈറ്റ് കുഴഞ്ഞുവീണ വിവരം അറിഞ്ഞിട്ടും ആശുപത്രിയിലെത്തിക്കാൻ വൈകിയെന്നാണ് ബന്ധുക്കളുടെ ആരോപണം.
More Read
അപ്പാർട്മെന്റിൽ സെക്യൂരിറ്റി ജീവനക്കാരൻ ഉൾപ്പെടെയുള്ളവർ ഉണ്ടായിരുന്നിട്ടും ബ്രൈറ്റിന്റെ സഹോദരൻ എത്തുന്നതുവരെ കാത്തുനിന്നെന്നാണ് ബന്ധുക്കളുടെ പരാതി.
ഹൃദയാഘാതമെന്ന് പ്രാഥമിക പോസ്റ്റ്മോർട്ടം സൂചന
ഹൃദയാഘാതമാണ് മരണകാരണമെന്നാണ് പോസ്റ്റ്മോർട്ടത്തിലെ പ്രാഥമിക സൂചനയെന്ന് പൊലീസ് അറിയിച്ചു. സംഭവത്തിൽ ബന്ധുക്കൾ ഉയർത്തിയ ചികിത്സ വൈകിയെന്ന ആരോപണവും ശ്രദ്ധേയമാണ്.
ഇന്ന് സംസ്കാരം
ബ്രൈറ്റ് ബിജുവിന്റെ സംസ്കാരം ഇന്ന് രാവിലെ 10ന് അശോകപുരം സെന്റ് സെബാസ്റ്റ്യൻ പള്ളിയിൽ നടക്കും.
മാതാവ്: ടിൻസി. സഹോദരങ്ങൾ: ബ്രിസ്റ്റോ ബിജു, ബെനീറ്റ ബിജു.
More Read
English Summary:
A 22-year-old man, Bright Biju, died after collapsing at an apartment in Edachira, Ernakulam. He had arrived at the apartment with a female friend around 3 pm on Saturday and collapsed around 8 pm, according to her statement to the police. He was taken to a private hospital but could not be saved. His family has alleged a delay in taking him to the hospital. Preliminary post-mortem findings suggest a heart attack as the cause of death.
