തിരുവനന്തപുരം: കേരളത്തിന്റെ നിലവിലെ സാമ്പത്തിക പ്രതിസന്ധിക്ക് ഉത്തരവാദികൾ മാറിമാറി സംസ്ഥാനം ഭരിച്ച എൽഡിഎഫും യുഡിഎഫുമാണെന്ന് ബിജെപി സംസ്ഥാന പ്രസിഡന്റ് Rajeev Chandrasekhar ആരോപിച്ചു.
വാർത്താസമ്മേളനത്തിൽ സംസാരിക്കവെയാണ് അദ്ദേഹം ഇക്കാര്യം പറഞ്ഞത്. ഓരോ അഞ്ച് വർഷം കൂടുമ്പോഴും ഭരണത്തിലിരിക്കുന്ന മുന്നണി ധവളപത്രം പുറത്തിറക്കി സംസ്ഥാനത്തിന്റെ സാമ്പത്തിക സ്ഥിതി ഗുരുതരമാണെന്ന് പറയുന്നുണ്ടെങ്കിലും പ്രശ്നപരിഹാരത്തിനുള്ള കാര്യക്ഷമമായ നടപടികൾ സ്വീകരിക്കുന്നില്ലെന്ന് അദ്ദേഹം വിമർശിച്ചു.
മുൻ ധനമന്ത്രി K N Balagopal സംസ്ഥാനത്തിന് 6,000 കോടി രൂപ നീക്കിയിരുപ്പുണ്ടെന്ന് പറഞ്ഞപ്പോൾ മുഖ്യമന്ത്രി V D Satheesan 2,000 കോടി രൂപ മാത്രമാണുള്ളതെന്ന് വ്യക്തമാക്കിയതായും രാജീവ് ചന്ദ്രശേഖർ ചൂണ്ടിക്കാട്ടി. ഈ തുക കേന്ദ്രസർക്കാർ നൽകിയ ഗ്രാന്റാണെന്നും അദ്ദേഹം അവകാശപ്പെട്ടു.
സംസ്ഥാനത്തിന്റെ യഥാർഥ സാമ്പത്തിക സ്ഥിതി സംബന്ധിച്ച് സർക്കാർ വ്യക്തത വരുത്തണമെന്നും കിഫ്ബിയുടെ ബാധ്യതകൾ ഉൾപ്പെടെ കേരളത്തിന്റെ ആകെ പൊതുകടം എത്രയാണെന്ന് ജനങ്ങളോട് വ്യക്തമാക്കണമെന്നും അദ്ദേഹം ആവശ്യപ്പെട്ടു.
കേരളത്തിന്റെ സാമ്പത്തിക സ്ഥിതി ദുർബലമാണെന്നതിലുപരി ഭാവി വികസനത്തെ തന്നെ ബാധിക്കുന്ന നിലയിലേക്കാണ് കാര്യങ്ങൾ എത്തിയിരിക്കുന്നതെന്നും രാജീവ് ചന്ദ്രശേഖർ പറഞ്ഞു.
More Read
English Summary:
BJP Kerala president Rajeev Chandrasekhar alleged that both the LDF and UDF are responsible for pushing Kerala into a financial crisis. He criticized successive governments for highlighting the state’s economic problems without implementing effective solutions. He also demanded transparency regarding Kerala’s total public debt, including liabilities related to KIIFB, and said the state’s financial condition could adversely affect its future development.
