വയനാട്: ദമ്പതികൾ സഞ്ചരിച്ച സ്കൂട്ടറിനെ പിന്തുടർന്ന കാട്ടാനയുടെ ആക്രമണത്തിൽ വീട്ടമ്മയ്ക്ക് ദാരുണാന്ത്യം. പുത്തുമല കാശ്മീർ ഇല്ലിക്കൂടാരത്തിൽ ഷാജിയുടെ ഭാര്യ ജെസിയാണ് (45) മരിച്ചത്. ഭർത്താവ് ഷാജിക്ക് (51) നിസാര പരിക്കേറ്റു.
ഇന്നലെ രാവിലെ ആറരയോടെ മേപ്പാടി-ചൂരൽമല റോഡിൽ പുത്തുമലയ്ക്കും കള്ളാടിക്കും ഇടയിലായിരുന്നു സംഭവം. പുത്തുമലയിൽ നിന്ന് മേപ്പാടിയിലേക്ക് സ്കൂട്ടറിൽ വരുന്നതിനിടെ കാട്ടാനയെ കണ്ട ദമ്പതികൾ തിരിച്ചുപോകാൻ ശ്രമിച്ചു. എന്നാൽ ആന സ്കൂട്ടറിനെ പിന്തുടർന്ന് ആക്രമിക്കുകയായിരുന്നു.
ആന പിന്നാലെയെത്തിയതോടെ ഇരുവരും സ്കൂട്ടർ ഉപേക്ഷിച്ച് ചിതറിയോടി. റോഡിൽ വീണ സ്കൂട്ടർ കാട്ടാന കുത്തിമറിച്ച ശേഷം ജെസിയെ പിന്തുടർന്ന് ആക്രമിച്ചതായാണ് വിവരം. ആനയുടെ പിടിയിൽ നിന്ന് രക്ഷപ്പെടാൻ ശ്രമിക്കുന്നതിനിടെ ഷാജി നിലത്ത് വീണ് പരിക്കേൽക്കുകയായിരുന്നു. ആക്രമണത്തിൽ സ്കൂട്ടറിന്റെ മുൻഭാഗവും തകർന്നു.
ആക്രമണത്തിന് ശേഷം റോഡിൽ നിലയുറപ്പിച്ചിരുന്ന ആന പിന്നീട് കാട്ടിലേക്ക് മാറിയതോടെയാണ് നാട്ടുകാരും വഴിയാത്രക്കാരും രക്ഷാപ്രവർത്തനം നടത്തിയത്. ഗുരുതരമായി പരിക്കേറ്റ ജെസിയെ മേപ്പാടിയിലെ സ്വകാര്യ മെഡിക്കൽ കോളേജ് ആശുപത്രിയിലെത്തിച്ചെങ്കിലും ജീവൻ രക്ഷിക്കാനായില്ല.
കൽപ്പറ്റയിലെ ഹോട്ടലിൽ ജോലിചെയ്തുവരികയായിരുന്നു ജെസി. മേപ്പാടി പൊലീസ് ഇൻക്വസ്റ്റ് നടപടികൾ പൂർത്തിയാക്കിയ ശേഷം ബത്തേരി താലൂക്ക് ആശുപത്രിയിൽ പോസ്റ്റ്മോർട്ടം നടത്തി. സംസ്കാരം പുത്തുമല ശ്മശാനത്തിൽ നടത്തി. മക്കൾ: ഷൈമോൾ, അനുഷ, നാൻസി.
More Read
സംഭവത്തിൽ പ്രതിഷേധിച്ച് മേപ്പാടി ടൗണിൽ ജനകീയ സമിതിയുടെ നേതൃത്വത്തിൽ നാട്ടുകാർ മണിക്കൂറുകളോളം റോഡ് ഉപരോധിച്ചു. കാട്ടാനയെ മയക്കുവെടിവച്ച് പിടികൂടുമെന്ന് സൗത്ത് വയനാട് ഡി.എഫ്.ഒ Ashiq Ali ഉറപ്പുനൽകി.
കുടുംബത്തിന് അടിയന്തര ധനസഹായമായി 14 ലക്ഷം രൂപ നൽകുമെന്ന് വനംവകുപ്പ് അറിയിച്ചു. ഇതിൽ അഞ്ച് ലക്ഷം രൂപയുടെ ചെക്ക് ഇന്നലെ കൈമാറി. കുടുംബത്തിലെ ഒരാൾക്ക് വനംവകുപ്പിൽ താത്കാലിക ജോലി നൽകുമെന്നും അധികൃതർ അറിയിച്ചു.
സംഭവവുമായി ബന്ധപ്പെട്ട് ഈ മാസം 30ന് വനംമന്ത്രി Shibu Baby John, കൃഷിമന്ത്രി T. Siddique എന്നിവരുടെ നേതൃത്വത്തിൽ കൽപ്പറ്റയിൽ ഉന്നതതല യോഗം ചേരും.
More Read
English Summary
A 45-year-old woman was killed in a tragic wild elephant attack in Wayanad after the animal chased the scooter on which she was travelling with her husband. The incident occurred near Meppadi on the Chooralmala road. Locals staged protests demanding action, while forest officials assured that the elephant would be tranquilized and captured.
wayanad-wild-elephant-attack-woman-killed-meppadi
Wayanad, Wild Elephant Attack, Meppadi, Kerala Forest Department, Human Animal Conflict, Kerala News, Elephant Attack, Shibu Baby John, Forest Officials, Wayanad News
