കോഴിക്കോട്: വടകര മയ്യന്നൂർ സ്വദേശി തട്ടാറത്ത് മീത്തൽ നാസറിന് വീട്ടിനുള്ളിൽ വെട്ടേറ്റു. പോക്സോ കേസിൽ റിമാൻഡിലായിരുന്ന നാസർ അടുത്തിടെയാണ് ജാമ്യത്തിലിറങ്ങിയത്.
പീഡനത്തിനിരയായ പെൺകുട്ടിയുടെ ബന്ധുവാണ് ആക്രമണത്തിന് പിന്നിലെന്നാണ് പ്രാഥമിക വിവരം. ഗുരുതരമായി പരുക്കേറ്റ നാസറിനെ വടകര ജില്ലാ ആശുപത്രിയിൽനിന്ന് കോഴിക്കോട് മെഡിക്കൽ കോളജ് ആശുപത്രിയിലേക്ക് മാറ്റി.
കഴുത്തിലും കൈകളിലും ആഴത്തിലുള്ള മുറിവുകൾ
നാസറിന്റെ കഴുത്തിലും കൈകളിലും ഉൾപ്പെടെ ശരീരത്തിന്റെ വിവിധ ഭാഗങ്ങളിൽ ആഴത്തിൽ വെട്ടേറ്റിട്ടുണ്ട്. പരുക്കുകളുടെ ഗുരുതരാവസ്ഥ കണക്കിലെടുത്താണ് വിദഗ്ധ ചികിത്സയ്ക്കായി കോഴിക്കോട് മെഡിക്കൽ കോളജ് ആശുപത്രിയിലേക്ക് മാറ്റിയത്.
ആക്രമണത്തിന് പിന്നിൽ പെൺകുട്ടിയുടെ ബന്ധുവാണെന്നാണ് പ്രാഥമിക വിവരം. സംഭവവുമായി ബന്ധപ്പെട്ട കൂടുതൽ വിവരങ്ങൾ ലഭ്യമായിട്ടില്ല.
പത്തുവയസ്സുകാരിയെ പീഡിപ്പിച്ചെന്ന് പരാതി
ഈ മാസം മൂന്നിനാണ് നാസറിനെതിരായ പോക്സോ കേസിനാസ്പദമായ സംഭവം നടന്നത്. കടയിൽ സാധനങ്ങൾ വാങ്ങാനെത്തിയ പത്തുവയസ്സുകാരിയെ കടയുടമയായ നാസർ പീഡിപ്പിച്ചെന്നാണ് പരാതി.
More Read
വീടിനോട് ചേർന്നാണ് നാസർ കട നടത്തുന്നത്. കേസിൽ റിമാൻഡിലായിരുന്ന ഇയാൾ അടുത്തിടെയാണ് ജാമ്യത്തിൽ പുറത്തിറങ്ങിയത്.
English Summary : Tattarat Meethal Naser, a native of Mayannur in Vadakara, Kozhikode, was attacked with a sharp weapon inside his house. He sustained deep injuries to several parts of his body, including his neck and hands, and was shifted from Vadakara District Hospital to Kozhikode Medical College Hospital for specialised treatment. Preliminary information suggests that a relative of the girl involved in the POCSO case may be behind the attack. Naser had recently been released on bail in the case involving an alleged assault on a 10-year-old girl.
