റിയാദ്: സൗദി അറേബ്യയുടെ തലസ്ഥാനമായ റിയാദിലെ കിങ് ഖാലിദ് അന്താരാഷ്ട്ര വിമാനത്താവളത്തിന് നേരെയുണ്ടായ മിസൈൽ ആക്രമണത്തിൽ പരിക്കേറ്റ ഇന്ത്യക്കാരൻ മരിച്ചു. ഹൈദരാബാദ് സ്വദേശി മുഹമ്മദ് യൂസുഫ് അലിയാണ് സൗദിയിൽ ചികിത്സയിലിരിക്കെ മരിച്ചത്. ആക്രമണത്തിൽ പരിക്കേറ്റ ഇദ്ദേഹത്തിന്റെ ഭാര്യയും മക്കളും ചികിത്സയിൽ തുടരുകയാണെന്ന് അധികൃതർ അറിയിച്ചു.
ആക്രമണത്തിൽ പരിക്കേറ്റത് ഇന്നലെ
ഇന്നലെ ഉച്ചയോടെയുണ്ടായ ആക്രമണത്തിലാണ് മുഹമ്മദ് യൂസുഫ് അലിക്ക് പരിക്കേറ്റത്. തുടർന്ന് ആശുപത്രിയിൽ പ്രവേശിപ്പിച്ചെങ്കിലും ചികിത്സയ്ക്കിടെ മരണം സംഭവിക്കുകയായിരുന്നു. ഭാര്യയുടെയും മക്കളുടെയും ആരോഗ്യനില സംബന്ധിച്ച കൂടുതൽ വിവരങ്ങൾ അധികൃതർ പുറത്തുവിട്ടിട്ടില്ല.
റിയാദ് ആക്രമണത്തിൽ 11 ഇന്ത്യക്കാർക്ക് പരിക്ക്
ആക്രമണത്തിൽ 12 പേർ കൊല്ലപ്പെട്ടതായും 309 പേർ ചികിത്സയിൽ തുടരുന്നതായും അധികൃതർ നേരത്തെ സ്ഥിരീകരിച്ചിരുന്നു. പരിക്കേറ്റവരിൽ 11 ഇന്ത്യക്കാരുണ്ടെന്ന് റിയാദിലെ ഇന്ത്യൻ എംബസിയും അറിയിച്ചിരുന്നു.
More Read
സമൂഹമാധ്യമ അക്കൗണ്ടിലൂടെയാണ് എംബസി വിവരം പുറത്തുവിട്ടത്. പരിക്കേറ്റവരുടെ ആരോഗ്യനില അന്വേഷിക്കുന്നതിനായി സൗദി അധികൃതരുമായി ബന്ധപ്പെട്ടുവരികയാണെന്നും എംബസി വ്യക്തമാക്കി.
ഇന്ത്യൻ എംബസി സ്ഥിതിഗതികൾ നിരീക്ഷിക്കുന്നു
പരിക്കേറ്റവരുടെ ചികിത്സയുമായി ബന്ധപ്പെട്ട വിവരങ്ങൾ ശേഖരിക്കുന്നതിനായി ആശുപത്രി അധികൃതരുമായും ഇന്ത്യൻ ഉദ്യോഗസ്ഥർ ആശയവിനിമയം നടത്തുന്നുണ്ട്. കൂടുതൽ വിവരങ്ങൾ ലഭ്യമാകുന്ന മുറയ്ക്ക് അറിയിക്കുമെന്നും എംബസി അറിയിച്ചു.
More Read
English Summary:
Mohammed Yusuf Ali, a Hyderabad native injured in the reported missile attack on King Khalid International Airport in Riyadh, Saudi Arabia, has died while undergoing treatment. His wife and children remain under medical care. The Indian Embassy in Riyadh said 11 Indians were among those injured and that it was coordinating with Saudi authorities and hospitals to monitor their condition.
